Legenda Incurtzaduras | Legenda Sìmbulos

ammaloràu , agt Definitzione de ammalorai; nau de colore, mescamente de pistadura chi si faet coment'e in colore de castàngia, niedhuda de su sàmbene pistau Sinònimos e contràrios allirorau, atanau, biaitu, lidu Frases is peis suus aundi podiant lompi lassànt sanguni ammalorau ◊ celus ammaloraus de tristura ◊ portat is liagas ammaloradas Terminologia iscientìfica clr Ètimu srd. Tradutziones Frantzesu blême, livide Ingresu pale Ispagnolu lívido, amoratado Italianu lìvido Tedescu fahl.

fríncu , nm Definitzione segada, marcu fatu a pistadura e a iscarràfiu totu a unu, marcu druchesau Sinònimos e contràrios sinnolu, trincu / leidora, libidore, lidigori, macru, pistadura, sambellutau Frases movendi su letu si est ingortu e si at fatu unu frincu a su pei ◊ est arrutu e si at fatu unu frincu in conca Tradutziones Frantzesu bleu- livide (Par ext.) Ingresu bruise Ispagnolu cardenal Italianu lìvido Tedescu blauer Fleck, Striemen.

libidòre , nm: lidori Definitzione marcu druchesau in sa carre po pistadura Sinònimos e contràrios frincu, illivrinidura, leidora, lerigori, lidigori, macru, pistadura, sambellutau Frases custa pòvera carena zughet in dogni parte libidore (D.Mele)◊ mi at atripau a búngius e po cussu seu totu prenu de lidoris Ètimu srd. Tradutziones Frantzesu lividité, bleu Ingresu bruise Ispagnolu cardenal Italianu lìvido Tedescu blauer Fleck, Striemen.

lídu , agt Definitzione nau de sa carre, de sa pedhe, chi est in colore druchesau de pistadura (o fintzes de arrennegu)/ l. che figau pudésciu = biaitu meru (de s'arrennegu) Sinònimos e contràrios ammalorau, atanau, biaitu, líbidu* Frases fit ruta in s'elva, lida che mortu ◊ l'ant leadu a punzos e pro cussu est totu lidu ◊ su pipiu portat sa manigedha lida de su fritu 2. sa bírdia si est furriada lida po s'imbídia ◊ est castiendu su sciacu lida de su nervosu Tradutziones Frantzesu blême, livide Ingresu livid Ispagnolu lívido, amoratado Italianu lìvido Tedescu bläulich, striemig.

sacédhu , nm: sarcedhu Definitzione marcu druchesau de pistadura, in sa carre, fintzes singiale, ispertiada chi abbarrat de unu cropu Sinònimos e contràrios marchedhu, pistadura Frases portu unu sarcedhu in su bratzu comenti mi ant puntu po pigai su sànguni ◊ e poita ses totu a sacedhus? ◊ una passara de funi a is cambas… si lassànt fintzas su sarcedhu Sambenados e Provèrbios smb: Sacceddu Tradutziones Frantzesu blême, bleu Ingresu bruise Ispagnolu cardenal Italianu lìvido Tedescu Strieme.

«« Torra a chircare