Legenda Incurtzaduras | Legenda Sìmbulos

carreràgiu, carreràju , agt, nm Definitzione chi o chie istat in s'orruga chentza fàere nudha: nau de fémina, fintzes chi est faendho sa bagassa Sinònimos e contràrios ifainadu, irvaliendhadu, istraderi, mandrone Frases ses sempre carreràgiu totu s'annu apitu a pentzione o postu mannu 2. sa família fit andhendhe male pro culpa de una fiza carreraja chi s’isperriat pro duos sodhos Ètimu srd. Tradutziones Frantzesu fainéant Ingresu idler Ispagnolu gandul Italianu fannullóne Tedescu Faulenzer.

irvaliendhàdu , agt Definitzione chi abarrat in giru chentza cumbinare nudha, perdendho tempus Sinònimos e contràrios ifainadu, peldulàriu, rundhajolu, rundhellu Frases in su cuzolu de su campanile dai su manzanu a su sero si acoiletant sos vetzos e sos irvaliendhados Tradutziones Frantzesu fainéant Ingresu sluggard Ispagnolu holgazán Italianu fannullóne Tedescu Faulenzer.

peldulàriu , agt, nm: perdulaju, perdulari, perdulàriu, perdullàriu, predulari Definitzione chi o chie istat perdendho su tempus in giru, chentza fàere nudha de giudu Sinònimos e contràrios aproviau, malacudidu, maliberde, regoltolzu / andariegu, bacamundhu, bandhuleri, corruntoneri, garroneri, rundhajolu, vanganteri Frases unu fegone perdulàriu li deit lolluru nèndheli chi sa cosa chi si bufat si pagat puru! ◊ funt ispérdius in totu su mundu coment'e perdulàrius andendi de logu in logu ◊ no est in chirca de canes perdulajos argamilossos! ◊ ma bribbanti iast a èssi: dèu bocendumí e tui fadendu su predulari in continenti! Ètimu spn. perdulario Tradutziones Frantzesu fainéant Ingresu idler Ispagnolu vago Italianu perdigiórno, fannullóne Tedescu Taugenichts.

pirastràju , agt: pirastrari, pirastràriu Definitzione chi andhat macu po su pirastu, istat cricandho pirasru, ma nau sèmpere in cobertantza po bagamundhu, chi istat sèmpere in giru Sinònimos e contràrios bandhuleri Frases istat continu fatu a mie che cane pirastràriu ◊ brutu cane pirastraju: àscia de raju chi ndhe isperdat sa zenia! Ètimu srd. Tradutziones Frantzesu errant, fainéant Ingresu wanderer, loafer Ispagnolu callejero, vagabundo, descarriado, holgazán Italianu randàgio, fannullóne Tedescu streunend, Nichtstuer.

«« Torra a chircare