Ditzionàriu in línia
de sa limba e de sa cultura sarda

chistèrra , nf, nm: chisterru, cisterra, tzisterra Definitzione genia de fossu tundhu fungudu a muru o bartza manna po arregòllere abba; chisterru si narat in su sensu de isperevundu Sinònimos e contràrios disterra, funtana, gisterra, putu 2. in sos chisterros de s'ísula si altzat su decoradu monumentu ◊ impresonados in chisterros de tirannia, frades nostros ant sos ojos giaitados a sidhados de morte (L.Masala)◊ no bi ndhe at un'àteru chisterru símile a custu logu maleitu ◊ depimus essire dae custu chisterru de fogu Ètimu ltn. cisterna Tradutziones Frantzesu citerne Ingresu cistern Ispagnolu cisterna Italianu cistèrna Tedescu Zisterne.

gistèrra, gistérru , nf, nm: zisterra Definitzione genia de fossu tundhu fungudu a muru o bartza manna, a fràigu, asuta de paris terra, prus che àteru po arregòllere e chistire abba próina Sinònimos e contràrios chisterra, funtana, putu Maneras de nàrrere csn: cardaxu de g. = su fundhu; ghetai àcua a g. = fàghere cosa chi no agabbat mai Frases in sa gisterra de crésia ant agatau iscusórgiu ◊ est pischendi àcua frisca de gisterra ◊ de s'àcua de sa gisterra no ndi possu bufai Ètimu ltn. cisternum Tradutziones Frantzesu citerne Ingresu cistern Ispagnolu cisterna Italianu cistèrna Tedescu Zisterne.