tratamènta, trataméntu , nm Definitzione su si abbitare s'unu cun s'àteru in bonas / su t. de sa coja = su cómbidu de bufonzu e durcheria chi si colat a sos combidados Sinònimos e contràrios arrolocioni, familiaricítzia, relassione, traténtzia, trativa Frases beniat a chircare a babbu in s'iscusa chi aiant tratamentu ◊ sa zente depiat èssere totu uguale e su tratamentu parívile Ètimu srd. Tradutziones Frantzesu relation sociale Ingresu social relation Ispagnolu trato Italianu relazióne sociale Tedescu Beziehung.

tràtu , nm Definitzione manera de fàere, de cantare, nau fintzes de sa carena de una persona po comente si movet; fintzes su tratare, su àere tratamentu Sinònimos e contràrios assétiu, figura, galania, garbu, tràgiu / tratamenta Frases contivizat s'apusentu cun su tratu de una fada ◊ fit una pisedha bella de tratu chi pariat una fada ◊ in ite bos apo ofesu pro mi usare malu tratu? (P.Mossa)◊ no ant in pozas métrica e mesura, ne tratu bellu, ne ranza de sentidu (P.Giudice Marras)◊ giaju pro abbistesa e tratos fit unu de sos menzus ómines ◊ tue as sos tratos de una reina ◊ su tratu tou mi at fatu dilliriare ◊ cantendhe bi zughet, tenet, unu bellu tratu 2. so giómpidu a àere tratu chin zente de importu Sambenados e Provèrbios prb: nen bella sentza pecu, nen fea sentza tratu Ètimu spn. trato Tradutziones Frantzesu grâce, allure Ingresu grace, carriage Ispagnolu gracia, porte, trato Italianu gràzia, portaménto Tedescu Anmut.

«« Torra a chircare