Legenda Incurtzaduras | Legenda Sìmbulos

bícru , nm: bígiu, bigru, bigu, biju, bricu, icru, víciu Definitzione su fígiu o fedu de una baca candho est de pagu tempus, de naschidórgiu fintzes a una paja de meses, siat mascu o fémina / bicru marinu = igumarras, o lampu de igumarras / min. bighighedhu Sinònimos e contràrios fricu Frases sa baca nostra at fatu unu bellu bigru ◊ in beranu giogant allegros sos bígios ◊ sas bacas a irrúilos tucaiant pro allatare sos bigros Ètimu ltn. viclus Tradutziones Frantzesu jeune veau Ingresu little calf Ispagnolu ternero, becerro Italianu vitellino Tedescu Kälbchen.

bitéllu , nm: vitellu Definitzione su fedu mascu de is bacas finas a chimbe o ses meses / b. marinu = itl. fòca mònaca Sinònimos e contràrios cdh. vitedhu Frases in pac'ora sa bódia brente che bitellu órfanu si at fatu, su Patriarca, chi no si discódiat in locu de recatu (G.A.Solinas) Ètimu itl. Tradutziones Frantzesu veau Ingresu calf (cock) Ispagnolu ternero, becerro Italianu vitèllo Tedescu Kalb.

fàlsas , nf: faltzas, fartzas, fatzas, fratzas Definitzione parte de s'animale: est un'ammassu de gràndhulas casi in figura de globbu, chi si format asuta de su grassu Sinònimos e contràrios fatzixedhas Frases si dhi portasta pisci o anguidha de arriu, o butonis, o fartzas, o ciorbedhus, ti preparàt su fritu in cuatru fuedhus! (I.Cogotti) Ètimu ltn. falsus Tradutziones Frantzesu ris de veau Ingresu sweetbreads Ispagnolu lechecillas, mollejas de ternero Italianu animèlle del vitèllo Tedescu Kalbsgekröse.

magiólu , nm: malgiolu, malloru, mazolu, maxolu Definitzione vitellu (fémina, -a) chentza lòmpere s'annu: su malloru est fintzes su chi aterue narant trabu, su malloru de mamas, mascu mannu chentza crastau de betare a is bacas in more; ingiúliu chi poniant in citade a is piciochedhos de is bidhas Sinònimos e contràrios trabilotu / trabu 1 Frases cussu nd'iat furau duus bellus maxolus ◊ bacas e mazolos paschent sas tancas de propriedade ◊ petza bona de mazola fata arrostu e a brou ◊ pesaus un'àtera lobighedha de mazolos ◊ at bogau unu ladus de pessa de magiolu fata a incones Sambenados e Provèrbios smb: Maggiolu, Mazolu Ètimu srd. Tradutziones Frantzesu bouvillon Ingresu steer Ispagnolu ternero Italianu giovènco Tedescu junges Rind.

«« Torra a chircare