Ditzionàriu in línia
de sa limba e de sa cultura sarda

abrassúta , agt Definitzione abra assuta (nau in cobertantza de ccn.) = susuncu, limidu Ètimu srd. Tradutziones Frantzesu vieil avare Ingresu nasty niggard Ispagnolu tacaño Italianu avaràccio Tedescu großer Geizhals.

amindigósu , agt Definitzione chi o chie istat a míndhigu, faet o giaet sa cosa a míndhigu, est arrestigu Sinònimos e contràrios aggantzadu, assuriu, limidu, remingu, soridu, susuncu Terminologia iscientìfica ntl Ètimu srd. Tradutziones Frantzesu radin, pingre Ingresu stingy Ispagnolu tacaño Italianu tìrchio Tedescu geizig.

arrancanàdu , agt Definitzione nau de ccn., chi est malu a giare, chi no ispraghet tanti sa manu giaendho cosa Sinònimos e contràrios aggantzadu, arrancadu, assuriu, limidu, mischinzosu, soridu, susuncu Frases fit de pagos faedhos, pariat arrancanadu ◊ est ómine arrancanadu de paràulas cantu est mannu de bonugoro ◊ fit arrancanada e no daiat mai nudha Tradutziones Frantzesu radin, pingre Ingresu stingy Ispagnolu tacaño Italianu tìrchio, taccagno Tedescu geizig.

casiàca , nm Definitzione casu de baca, ma nau in cobertantza po chie est arrestigu, istrintone Sinònimos e contràrios craschiabbudhas, limidu, susuncu Ètimu srd. Tradutziones Frantzesu radin Ingresu stingy Ispagnolu tacaño, avaro Italianu spilórcio Tedescu knauserig.

craschiabbúdhas , nm: craschiaudhas Definitzione chi arrasigat fintzes is istentinas (budhas) po s'arrestigore, po ingurdoneria Sinònimos e contràrios aggantzadu, assuriu, cajasoru, limidu, soridu, susuncu Frases fit unu craschiaudhas, campaiat de su chi li daiat sa zente ◊ cussu craschiabbudhas pro carchi sodhu si est ghetau a sa cuncurréntzia! Terminologia iscientìfica ntl Ètimu srd. Tradutziones Frantzesu radin, lésineur Ingresu stingy Ispagnolu tacaño, avaro Italianu tìrchio, lesinatóre Tedescu Geizhals.

cringòne , nm Definitzione chie est malu a giare cosa, chi no ndhe giaet ca est arrestigu Sinònimos e contràrios aggantzadu, assuriu, astrintone, ingurdone, ispítziga, issotzigadore, limidu, soridu, susuncu, tzecosu Frases su cringone adorat su dinare (A.Marceddu) Terminologia iscientìfica ntl Ètimu srd. Tradutziones Frantzesu radin Ingresu miser Ispagnolu tacaño, avaro Italianu spilórcio Tedescu Geizhals.

isurzídu , agt Definitzione chi est de manu istrinta, malu a giare Sinònimos e contràrios aggantzadu, assuriu, cringone, ingurdone, issotzigadore, limidu, manteghíglia, pistricu, susuncu, tingiosu, tzecosu Frases cuss'ómine lu giughent a montovu ca fit arrebbocadu e isurzidu (G.Ruju)◊ est gai isurzidu chi si bortat a su ferru ruju Terminologia iscientìfica ntl Ètimu srd. Tradutziones Frantzesu avare Ingresu stingy Ispagnolu cicatero, tacaño Italianu spilórcio Tedescu knauserig.

pistrícu , agt, nm: pistrincu Definitzione nau de unu, chi o chie est de manu istrinta, malu a giare, arrestigu, de malugoro, chi isfrutat s'àteru; chi est a míndhigu / lughe pistrinca = paga, tropu bàscia Sinònimos e contràrios aggantzadu, assuriu, cringone, ingurdone, limidu, soridu, susuncu, tzecosu / usureri | ctr. manilalgu Frases fit mere pistrinca chi non at mai partitu unu pane lentu a sas maniales 2. no sias pistrincu! ◊ mi aperint pistricos ispirallos a mi che ispentumare Tradutziones Frantzesu radin, pingre, usuraire Ingresu usurer, stingy Ispagnolu tacaño, usurero Italianu tìrchio, usuràio Tedescu geizig, Geizhals, Wucherer.