arròda , nf: arrora,
orroda,
roda* Definitzione
genia de imbentu, de forma tundha, chi girat in d-unu fusu intrau in mesu in mesu, de impreu mannu meda po comente faet fàcile su movimentu siat ca míminat s'atritu o frigamentu e siat ca funtzionat de leva; sa màchina de is pingiaderis, sa chi girandho dhis permitit de fàere istrégiu tundhu; su istare a rodeu de ccn. o de calecuna cosa / min. arrodedha, rodedha, rodighedha, rotedha; partes de un'a. = su butu (nughe de s'orroda, ue intrat su fusu), is ràgios (orrugos de cosa chi de sa nughe andhant a su cricu), su cricu (oru de fora, lisu, a dentes o fintzes a canale); genias de orroda: a dentes, a rajos, prena (a. de panga e tàgiu), a càmera de ària
Maneras de nàrrere
csn:
cratzonis de a. = sas ragas de furesi; a., roda de mannugros (de vinti a chimbanta) = postorzu; arrodedha 1, rodighedha de su benugu = rudéula, zoculana, s'ossu curtzu de su benugru, a s'ala de nanti; a. de su ballu = ballu tundhu, zenia de ballu chi totugantos si leant a manudenta fintzas a serrare a inghíriu
Frases
is arrodas de is màchinas funt de gomma, is arrodas de su trenu de aciarxu
2.
fadeus duas dis de arroda, cun circulledhus, cannugas e furriadroxas, gara poética
3.
dhi fait s'arroda unu piciocu ◊ tenis axiu fendimí s’arroda: dèu no mi ghetu che musca a su meli!(Pillai)
Tradutziones
Frantzesu
roue
Ingresu
wheel
Ispagnolu
rueda
Italianu
ruòta
Tedescu
Rad.
ròda , nf: arroda,
orroda,
rota Definitzione
genia de imbentu, de forma tundha, chi girat in d-unu fusu intrau in mesu in mesu, de impreu mannu meda po comente rendhet fàcile su movimentu e faet fortza meda (funtzionat coment'e leva); fintzes tupa, mola de matedu / min. arrodedha, rodedha, rodighedha, rotedha; partes de una r. = su butu (nughe de s'orroda, ue intrat su fusu), is ràgios (crantos de cosa chi de sa nughe andhant a su cricu), su cricu (oru de fora, lisu, a dentes o fintzes a canale), sa crae (genia de cotza chi s'intrat a istúturu in su bruncu de su fusu po no ndh'essire s'orroda); genias de orroda: a dentes, a ràgios, prena, a càmera de ària
Maneras de nàrrere
csn:
r. de mannugros (de vinti a chimbanta) = postorzu; fai sa r. = zogu chi si faghet tirendhe un'incannada unu pagu de costazu, ponindhe sas manos in terra e moindhe su restu de sa carena a zisa de roda, ponindhe a borta a borta manos e pes; r. de camisa = fardali, sas coedhas
Frases
ndhe zuchiat de intràcanos e rotedhas e pesos su rellotzu de sa turre!…◊ in pratza de s'amore so coladu fachendhe brullas che rotas de carru
2.
sa terra l'apo ispatada dae sas rodas
Sambenados e Provèrbios
smb:
Roda, Rodas
/
prb:
sa peus roda de su carru tzichírriat
Ètimu
ltn.
rota
Tradutziones
Frantzesu
roue
Ingresu
wheel
Ispagnolu
rueda
Italianu
ruòta
Tedescu
Rad.
rodighèdha , nf: rodixedha Definitzione
min de roda, orroda pitica, ma fintzes s'ossu tundhu de is benugos
Sinònimos e contràrios
arrodedha 1,
badhadori,
rodita,
rotedha 1,
ruédhula
Tradutziones
Frantzesu
petite roue
Ingresu
small wheel
Ispagnolu
rueda,
rodaja,
rótula
Italianu
rotèlla
Tedescu
Rädchen.