Ditzionàriu in línia
de sa limba e de sa cultura sarda

carmieràre , vrb Definitzione pònnere su carmieri, regulare is prétzios de is cosas a bèndhere comente faet unu guvernu a manera chi no crescant po aprofitamentu Tradutziones Frantzesu taxer Ingresu to control the price of officially Ispagnolu establecer el precio político Italianu calmierare Tedescu Höchstpreise amtlich festsetzen.

política , nf: pulítica, pulítiga Definitzione totu su chi pertocat su guvernu de su bene púbblicu, s'arte de guvernare un'istadu, sa natzione, sa polis (in grecu: sa citade), fintzes si po su prus si ndhe biet malos iscrammentos; manera de fàere civile, educada, fine Frases sos mannos de su logu (ch'in Sardigna no sunt tantu meda) ant sa conca in su giogu de s'allegria política maseda: in bestires de seda si faghent adorare che a Budda, no bident piús nudha, no intendhent che sonu de moneda (P.Casu)◊ cres de agatare dogni gancellu abbertu chin sa política tua! ◊ cussus funt óminis chi faint sa política po issus etotu, béndius po su dinai Ètimu itl. Tradutziones Frantzesu politique Ingresu politics Ispagnolu político Italianu polìtica Tedescu Politik.