Legenda Incurtzaduras | Legenda Sìmbulos

cacaríbos , nm Definitzione pilloni de santu Perdu, de santu Martinu, genia de pigione a bellos colores, a bicu longu: papat pische e faet in is errios e in oru de mare in tempos de passera Terminologia iscientìfica pzn, alcedo atthis Ètimu srd. Tradutziones Frantzesu martin-pêcheur Ingresu kingfisher Ispagnolu martín pescador Italianu martin pescatóre Tedescu Eisvogel.

cociulàju , nm Definitzione piscadore de cóciula, de gioga de mare Frases in tretu in tretu calincunu cociulaju, aciuvau in s'àcua, iscrucullat s'arena foxosa cun su ciuliru ◊ su cociulaju est remendi in su ciu andendi a fai arregorta Terminologia iscientìfica prf Ètimu srd. Tradutziones Frantzesu pêcheur d'arches Ingresu mussel fisher Ispagnolu pescador de almejas, mariscador Italianu pescatóre di arsèlle: arsellante Tedescu Muschelfischer.

piscadòre, piscadòri , nm: piscatore Definitzione chie piscat, chie faet sa faina de piscare; dhu narant fintzes a sa andaciana o pischeri, una genia de bobboitedhu de abba / p. de arrècia = chi piscat cun rete; p. de unda arta = de abba russa, de mari biu; camminai a trotixedhu de p. = a passu lestru po coitare a portare su pische ancora friscu a bèndhere Frases novas de piscadore: àcua meda, pisci pagu! Terminologia iscientìfica prf Ètimu ltn. piscatore(m) Tradutziones Frantzesu pêcheur Ingresu fisher Ispagnolu pescador Italianu pescatóre Tedescu Fischer.

«« Torra a chircare