Legenda Incurtzaduras | Legenda Sìmbulos

cartzellète , agt Definitzione chi no est bonu a fàere nudha, fatu e lassau Sinònimos e contràrios acinnessi, cagantinas, casticau, dissalliu, iltrudhadu, innangaradu, istròngolo, lertone, managu, néssiu Terminologia iscientìfica ntl Tradutziones Frantzesu incapable Ingresu unfit Ispagnolu incapaz Italianu inètto Tedescu untüchtig.

casticàtu, casticàu , pps, agt, nm: castigadu, castigau Definitzione de casticare; nau de unu, chi no tenet abbilidade nudha nudha, chi no est bonu a nudha, fatu e lassau; chi o chie tenet difetu mannu de sa naschia Sinònimos e contràrios caltigu, cartzellete, fadadu, iltrudhadu, indelvesu, isente, lertone, strupiau | ctr. àbbile 1, balente 2. ma est castigadu, mih, a istare pastorighendhe cun duos fiados: andhe chi bi est, a si ndhe podiat leare medas?! ◊ cussos castigados no sunt bonos mancu a si segare casu! ◊ castigadu, mancu su fogu ti as fatu, morindhe de fritu! ◊ iscadha, casticatu: unu non devet èssere simproto! 3. fit abbarrau che casticau: no aiat àpiu mancu su tempus de apèrrere buca ◊ menzus castigadu dae Deu chi no corrudu e fizu de bagassa ◊ Gesús a inghíriu aiat una truma manna de zente chi li giuteint topos, castigados e tzegos Terminologia iscientìfica ntl Tradutziones Frantzesu incapable, déficient Ingresu idiot Ispagnolu incapaz Italianu inètto, deficiènte Tedescu untüchtig.

indelvésu , agt Definitzione chi no ndhe balet, chi no tenet capacidades, chi no est àbbile Sinònimos e contràrios cartzellete, casticau, dissalliu, iltrudhadu, isbitriadu, lertone | ctr. àbbile, abbistu Frases no dat mancu piaghere cussu indelvesu! Ètimu itl. indifeso Tradutziones Frantzesu inapte, incapable Ingresu inept Ispagnolu incapaz Italianu inètto, incapace Tedescu unfähig.

innangaràdu , agt, nm Definitzione chi o chie no est àbbile a nudha, fatu e lassau Sinònimos e contràrios acinnessi, cartzellete, casticau, dissalliu, fardugu, iltrudhadu, isbitriadu, lertone, néssiu Frases dae candho est cojuadu isse paret un'arengo, innangaradu che mengo, chin su trugu che anade (P.L.Tori) Tradutziones Frantzesu incapable Ingresu incompetent Ispagnolu incapaz Italianu inètto Tedescu unfähig

néssiu , agt, nm Definitzione nau de ccn., chi o chie no est bonu a nudha, fatu e lassau, de pagu abbilidade Sinònimos e contràrios acinnessi, bovo, cartzellete, casticau, dissalliu, iltrudhadu, innangaradu Ètimu spn. necio Tradutziones Frantzesu de rien, incapable Ingresu unfit, incompetent Ispagnolu incapaz, inepto Italianu dappòco, inètto Tedescu untüchtig, nichtsnutzig, Nichtskönner, Stümper.

núrtile , agt, nm Definitzione nau de ccn., bonu a nudha, chi no est àbbile Sinònimos e contràrios casticau, iltrudhadu, innangaradu, lertone, néssiu | ctr. àbbile, abbistu Frases pacos núrtiles brusant galu froedhas lassàndhennos chen'àlinu Tradutziones Frantzesu incapable Ingresu incapable Ispagnolu incapaz, inútil Italianu incapace, inètto Tedescu unfähig, untüchtig, unfähiger Mensch.

«« Torra a chircare