cafè , nm: cafei,
cafeo,
cafeu,
gafè Definitzione
genia de mata e su granu chi faet, chi si aturrat e molet po fàere unu bufóngiu; buteghinu chi dhue faent su cafei a bufare / cafeedhu (Astragalus boeticus)= zenia de erba chi si podet pònnere pro gafè
Sinònimos e contràrios
botighinu,
cafeteria
Maneras de nàrrere
csn:
sa mama de su gafè = sa fundaina chi abarrat de su cafei una borta fatu; turrare, maghinare, fàghere, indurcare su gafè; bufare su gafè solu = chentza bi annúnghere nudha; su cafè podet èssere: gàrrigu, lenu, durche, rànchidu o marigosu (chi est sa calidade sua)
Frases
mutimidhu cafeo: paret su velenu chi dhi ant giau a Gesugristu! ◊ sèciat, gomai, ca dhi fàcio su cafeo! ◊ oi cussu no at papau nudha, non si at bufau nimmancu su cafei!
Terminologia iscientìfica
rbzc, bfg, coffea arabica, c. canephora, c. liberica, c. robusta
Ètimu
itl.
Tradutziones
Frantzesu
café
Ingresu
coffee
Ispagnolu
café
Italianu
caffè
Tedescu
Kaffeebaum,
Kaffee.
fronígliu, froníllu , nm: frunígliu,
frunílliu,
frunillu Definitzione
genia de forredhu piticu a forma de tumbarinu (cilindru), de làuna, fatu cun d-un'isportellitu e intrau, de longu, firmu in d-unu ferru coment’e ischidone po turrare cafei
Sinònimos e contràrios
aturradore,
forronile,
trunillu,
turronellu
Frases
si fit biendhe su cafè chi aiat turradu cun su fronillu ◊ cudha femminedha torrait a domo sua e che poniat in su fogu su frunillu e turrait sos pacos granos de cafè
Ètimu
spn.
fornillo
Tradutziones
Frantzesu
brûloir
Ingresu
coffeeroaster
Ispagnolu
tostador de café
Italianu
tostacaffè
Tedescu
Kaffeeröstmaschine.