Ditzionàriu in línia
de sa limba e de sa cultura sarda

bandhídu , nm: bandhiu, bannidu, bannitu Definitzione chie si apartat o cuat po no dhu aciapare sa giustítzia; dhu narant fintzes a sa andaciana o pischeri, una genia de bobboi de abba / ponnirisí bandiu = essire a bandhidare, tzacàresi fora Sinònimos e contràrios foressidu, ibbanniu, sbandiu / andaciana Frases a sos bandhios, si no si arrendhent, totu sos dannos chi si fachent li los ghetant a issos ◊ pro bandhidos e ladros sempre atzesas apas pregadorias chi in amore giambent su malu fàghere! ◊ sos pitzinnos zogant a bandhios e carabbineris ◊ fit semper bannitu, semper ventuleri Tradutziones Frantzesu bandit Ingresu bandit Ispagnolu bandido Italianu bandito Tedescu Bandit, Räuber.

illegàdu , agt Definitzione chi no est in sa lei, chi no faet su de sa lei Tradutziones Frantzesu hors la loi Ingresu outlaw Ispagnolu bandido Italianu fuòri légge Tedescu ungesetzlich.