Legenda Incurtzaduras | Legenda Sìmbulos

bànca 1 , nf, nm: bancu Definitzione sociedade chi leat e giaet dinari a préstidu / billete de b. = dinari in pabilu Frases si leas dinari a préstidu, sos balanzos tuos ti che los leat sa banca ◊ cheret andhadu a sa banca a pagare cussa cosa ◊ bos chèglio dare dinari de bancu in càmbiu de erveches Ètimu itl. Tradutziones Frantzesu banque Ingresu bank Ispagnolu banco Italianu banca Tedescu Bank.

bàncu , nm: bangu Definitzione genia de mesa ue trebballat su maistu de linna, su maistu de ferru, su sabbateri, su macellaju, ue si ponet cosa a bèndhere, a bufare in is tzilleris; in iscolas e crésias, genia de móbbile po cicire a unos a unos o in medas e/o arrimare o pònnere cosa in pitzu o po iscríere; màchina de ferrare; in su telàrgiu a istoja funt is duos fusos, unu in pitzu e unu in bàsciu, ue s'imbodhigat s'istàmine (in artu) e su tessíngiu fatu (in bàsciu) Sinònimos e contràrios bancale / panga / banca 1 Maneras de nàrrere csn: su b. de is arreus = ue setzit s'incurpadu, in sos tribbunales; cumparre a su b. = andhare a tribbunale a dibbatimentu Frases sos berdurarjos ponent sa cosa a bèndhere in su bancu ◊ che fit mannu, in iscola, chi no cabiat mancu in su bancu ◊ a crésia bi ant fatu sos bancos noos ◊ at dépiu bendi a su bangu totu is crabas e brebeis Tradutziones Frantzesu banc, établi Ingresu work bench Ispagnolu banco, banquillo Italianu banco Tedescu Bank, Theke, Tisch.

istradíle , nm Definitzione cicidórgiu púbblicu in orrugas e pratzas, fintzes leminàrgiu, sa pedra o lastra in s'intrada de una domo; a logos fintzes orruga, istradonedhu Sinònimos e contràrios istrada 1, pedríscia / terminaxi Frases si ch'est essidu a s'istradile de piata ca bi abbojat zente ◊ sos betzos istant sétidos in sos istradiles, a chistionu in carrela ◊ ant fatu sos istradiles de linna Tradutziones Frantzesu banquette Ingresu bench Ispagnolu banco Italianu panchina Tedescu Gartenbank.

síca 1 , nf Definitzione fundhu de mare in artu, ue s'abba est bàscia, bancu de arena inue est fàcile e perigulosu de arrèschere su fundhu de naves o barcas Sinònimos e contràrios sicàngia 2. su letu de su frumi immoi est a sica ca in s'istadi su frumi torrat a coreta Ètimu itl. Tradutziones Frantzesu bas-fond Ingresu sandbank Ispagnolu banco, bajío Italianu sécca Tedescu Untiefe.

«« Torra a chircare