Legenda Incurtzaduras | Legenda Sìmbulos

alchítu , nm Definitzione min. de alcu, arcu piticu Tradutziones Frantzesu petit arc Ingresu small arch Ispagnolu arco pequeño Italianu archétto Tedescu kleiner Bogen.

àlcu , nm: arcu Definitzione css. cosa a bisura de unu mesu cricu / genias de arcu: tundhu, a punta de mitra; arcu de sa sedha = onzunu de sos duos cantos de linna chi aunidos apare cun sas travedhas faghent una sedha o sedhone e setzint in s'ischina de un'animale, falendhe a parte e àtera; arcu de sa petorra = sa crae de su codhu; arcu de chelu, de sole = arcubbalenu; arcu voltàicu (de A. Volta) = su si tocare acostindho a lébiu de duos càbudos de filu cun currente, cosa chi serrat su circúitu ma bogat fogu e iscàgiat is filos: est mescamente unu métidu po assardare a currente a tensione bàscia acostindho sa punta de un’eletrodu a sa parte de assardare Terminologia iscientìfica dmo Ètimu ltn. arcus Tradutziones Frantzesu arc Ingresu bow, arch Ispagnolu arco Italianu arco Tedescu Bogen.

archète , nm: architu Definitzione arcu minore o cosa fata a bisura de arcu; aina po piscare coradhu / èssere de archete (nau de ccn.)= àere àlchida, àrchidos, fortza Sinònimos e contràrios archizone 2. apo sos annos mios ma so de archete! Sambenados e Provèrbios smb: Archittu, Architto Terminologia iscientìfica dmo, ans Ètimu ctl. arquet Tradutziones Frantzesu petit arc Ingresu small arch Ispagnolu arco pequeño Italianu archétto Tedescu kleiner Bogen.

arcubaràdu , nm Definitzione arcu paradu, firmu (arcu de chelu, de sole, de s'abba, de donnu Deu): s'arcu totu a colores (sete) chi a bortas faet in s'aera candho proet (prus che àteru apustis chi at própiu) Sinònimos e contràrios arcunieri, circannoeu, circhiola, circonnieri, circuvòglia, circuvròngia Frases ti chelzo ofrire in finitia su costúmene de sa zente mia cun sos colores de s'arcubaradu Ètimu srd. Tradutziones Frantzesu arc-en-ciel Ingresu rainbow Ispagnolu arco iris Italianu arcobaléno Tedescu Regenbogen.

circannoèu , nm: circunueu, gircannoeu Definitzione su circu o arcu de Noè: arcu de chelu, de sole, de s'abba, de Donnu Deu, de nui: s'arcu chi essit in s'aera in tempus de abba, totu a colores (sete) Sinònimos e contràrios arcubaradu, arcunieri, circhiola, circonnieri, circuvòglia, circuvròngia Frases circunueu a mengianu, sinnabi de tempus malu Ètimu srd. Tradutziones Frantzesu arc-en-ciel Ingresu rainbow Ispagnolu arco iris Italianu arcobaléno Tedescu Regenbogen.

circhiòla, circhiòlla , nf: cirichiolla Definitzione cricu, línia tundha serrada e mescamente arcu de chelu, de sole, de s'abba, de Donnu Deu, de nui: s'arcu chi essit in s'aera in tempus de abba, totu a colores (sete) Sinònimos e contràrios chílciu / alcubbalenu, arcubaradu, arcunieri, circannoeu, circonnieri, circuvòglia, circuvròngia Frases mamas e piciochedhus brintant a mari in circhiola, a manus pigadas (G.Solinas) 2. circhiola a merí, cras bona dí ◊ sa luna fait s'incaracua in mesu de una circhiolla de nébida ◊ sa vida est una circhiolla ◊ is coloris de sa circhiolla funt seti Ètimu srd. Tradutziones Frantzesu arc-en-ciel Ingresu rainbow Ispagnolu arco iris Italianu arcobaléno Tedescu Regenbogen.

grambiòne , nm: cambrioni Definitzione ischeadura de su pei (e de s'iscarpa) tra su carcàngiu e s'ossu de su pódhighe mannu Sinònimos e contràrios càlama, sutagarcàngiu Terminologia iscientìfica crn Tradutziones Frantzesu cambrure du pied Ingresu arch Ispagnolu arco plantar, enfranque Italianu fiòsso Tedescu Gelenk, Schuhgelenk.

«« Torra a chircare