assocàre , vrb: assogae,
assogai Definitzione
acapiare cun sa soga; tènnere o cassare a soga o a latzu un'animale, mescamente currendho, betandhosidha a conca de atesu, a irfogu; in cobertantza, incantare, acapiare chentza fune, giare una briga / assogai a corrus límpius = betendhe sa soga própiu a corros, chentza leare àteru, precisu
Sinònimos e contràrios
acapiae,
insogai
| ctr.
iscapare,
isorbere
Frases
ant assogau sa mallora, aferrada e istrumpada ◊ no dhu lessis a si fui: assogadhu!
2.
is sonadas no tenint su poderi de assogai s'ànima ◊ sangunera pasteratza, satzas is bramas chi ti assogant sangrendu a chini t'istimat! ◊ a sa becesa su coru benit assogau de s'ispédhiu de su tempus chi unu at bíviu biatzu (Z.Sanfilippo)◊ lillu prenu de puresa chi mi assogat su coru! (An.Casula)
Ètimu
srd.
Tradutziones
Frantzesu
assujettir
Ingresu
to subjugate,
to seize
Ispagnolu
someter,
capturar
Italianu
assoggettare,
catturare
Tedescu
unterwerfen,
fangen.
imprènere, imprèni , vrb: imprènniri Definitzione
prenare, mescamente prènnere a unu de ideas o fintzes de fàulas bastat de dhu pònnere contra a un'àteru o fintzes po dhu cumbínchere de calecuna cosa e dhu tènnere a favore
Sinònimos e contràrios
infertzire 1,
pienare,
plèniri,
reprenare
/
cumbínchere,
improssimare,
intrúxiri
Frases
imprenu de sa pobidha, a innòi no nci fiat prus torrau e aditzu aditzu mi salludàt (A.Garau)◊ iant imprenu sa genti po nci dhus bogai de is làcanas insoru ◊ est issu chi dhus at imprenus, promitendidhus maris e montis! ◊ candho deo no che so imprenent a issu contr'a mie
Ètimu
srd.
Tradutziones
Frantzesu
plagier,
endoctriner
Ingresu
to subjugate motally
Ispagnolu
influir,
adoctrinar
Italianu
plagiare,
indottrinare
Tedescu
plagiieren,
indoktrinieren.
intrúxiri , vrb Definitzione
foedhare a unu naendho male de un'àteru, coment'e po dhu prènnere de cosas chi no funt, de fàulas; in cobertantza, papare
Sinònimos e contràrios
impreni,
intruxiri,
prenare
Frases
cussa est sa mama chi dh'at intrúxiu, e aici immoi funt certendi mairu e mulleri! ◊ cussu si est torrau a cojai ma sa filla dh'at intrúxiu fintzas a candu dh'at lassada, a sa mulleri
2.
ti as intrúxiu su pani miu!
Ètimu
srd.
Tradutziones
Frantzesu
plagier
Ingresu
to subjugate morally
Ispagnolu
engatusar
Italianu
plagiare
Tedescu
plagiieren.