Ditzionàriu in línia
de sa limba e de sa cultura sarda

amministrài, amministràre , vrb: ministrai Definitzione contivigiare unu bene de propiedade o púbblicu Sinònimos e contràrios contifizare, cuberrare, guvernai, miramentare Tradutziones Frantzesu administrer Ingresu to manage Ispagnolu administrar Italianu amministrare Tedescu verwalten.

baghigliài , vrb rfl: baghillai Definitzione ammostare abbilidade, fàere is cosas impresse (ma si narat fintzes in su sensu de pèrdere tempus, istare faendho e chentza fàere, divertindho) Sinònimos e contràrios manizare Frases est trigadiu e tocat a si baghillai! ◊ mi podia baghillai cun tui, o conca mia, che pilloni mi paríasta de podi bolai! ◊ su prefetu si setzit in su postu de onori e si narat chi si siat baghillau diaderus ◊ agiudamí a mi ndi bogai sa camisa, ca no mi potzu baghillai cun s'artrosi chi tengu! 2. a cust'ora cussa at fatu, bastit chi no si siat baghillada andendu e benendu! Ètimu srd. Tradutziones Frantzesu se débrouiller Ingresu to manage Ispagnolu ingeniarse Italianu destreggiarsi Tedescu sich durchwinden.