Legenda Incurtzaduras | Legenda Sìmbulos

càma , nf: gama 1 Definitzione basca forte in tempus de istade / cama de focu = su budhidori chi fait su fogu Sinònimos e contràrios acamu, calammu, sellente | ctr. frios, friscura Frases su sole alluinat, sa cama leat s'alenu ◊ a s'ora de meigama, a bólidu arribbant is fadas de logu in circa de s'umbra, fuendi sa cama! (M.Maxia)◊ a cama de sole falabo pro batire azicu de abba frisca ◊ is brebeis tenint cama Sambenados e Provèrbios smb: Cama Terminologia iscientìfica tpm Ètimu ltn. cauma Tradutziones Frantzesu canicule Ingresu the height of summer Ispagnolu canícula Italianu canìcola, solleóne Tedescu Hundstagehitze.

carabbinéris , nm pl Definitzione genia de erbas: cipréssius o iscovas de forru Terminologia iscientìfica rba, Bassia scoparia Tradutziones Frantzesu ansérine belvédère Ingresu summer cypress Ispagnolu mirabel, belvedere Italianu belvedére Tedescu Besenkraut, Sommerzypresse.

iltíu , nm: istiu, estiu Definitzione unu de is bàtoro tempos de s’annu, candho (in s’emisferu nord) faet dies prus mannas e sole prus forte cunforma a comente si ponet sa Terra cun su Sole / i. forte = de calura meda; ne calat s’istiu = intrat s’istiu, est benindhe su tempus de istiu Sinònimos e contràrios istade | ctr. iberru Frases est intradu s'istiu ◊ ocannu at fatu istiu forte ◊ no at fatu istiu ◊ semus in istiu ◊ no che colat istiu chentza carchi fogu! Ètimu spn. estío Tradutziones Frantzesu été Ingresu summer Ispagnolu verano Italianu estate Tedescu Sommer.

istàde , nm, nf: istadi, stadi Definitzione unu de is bàtoro tempos de s'annu, de su 21 de làmpadas a su 22 de cabudanni, candho faet dies prus mannas (ma menguandho, in s'emisferu nord) e sole prus forte cunforma a sa posidura de sa Terra cun su Sole / in su grofu de s'i. = in su coro de s'istiu, itl. in piena estate Sinònimos e contràrios iltiu, istadiale, istiera | ctr. iberru Frases paret un'eternu istade africanu ◊ s'istadi si fut postu a fai arrassoli ◊ s'istadi nci fiat passau diabressi ◊ su cinixu de un'istadi est imbussendi is sartus de Sardigna ◊ s'istadi est acabbau totinduna ◊ candho alluent is fogorones paret torrada s'istade! Terminologia iscientìfica tpc Ètimu ltn. aestate(m) Tradutziones Frantzesu été Ingresu summer Ispagnolu verano Italianu estate Tedescu Sommer.

«« Torra a chircare