Ditzionàriu in línia
de sa limba e de sa cultura sarda

chinchídha , nf: cicidha, cincidha Definitzione orrughedhu de cosa alluta chi brínchidat de su fogu, mescamente segundhu sa linna, o de su ferru abbrigau a meda, sardandho a elétricu o fintzes de duos filos nuos cun sa currente candho si benint apare; in cobertantza, unu fàere coment'e bogandho fogu, àrridu, arrennegau Sinònimos e contràrios chintidha, cinciriga, cispa, flaria, fraidha, ichinchidha, ischentidha, ischinchiridha, istenchidha, làntica, pispidha, schinchidha, tighinisa Frases is cicidhas ndi calant apitzus apiodhendi s'arrobba ◊ su ferru cardau fait cincidhas 2. ancu dhi essant cicidhas de buca, de nasu e de ogus! ◊ si bint is facis grogas che sa cera: ghetant is ogus cicidhas de fogu Sambenados e Provèrbios smb: Cincidda Ètimu ltn. scintilla Tradutziones Frantzesu étincelle Ingresu spark Ispagnolu chispa Italianu scintilla Tedescu Funke.

cicidhài , vrb: cincidhai Definitzione bogare o fàere ischintídhias Sinònimos e contràrios cincidhiri, cispai, ischentidhare, ischinchiridhare, scincidhai Frases su fogu est cincidhendi ◊ su ferru arbigau cincidhat candu su ferreri dhu mallat in s'incódina 2. is caus marinus fatuvatu cincidhant asuta de su soli, acabussendi in s'àcua po piscai Ètimu srd. Tradutziones Frantzesu étinceler, scintiller Ingresu to spark Ispagnolu chispear Italianu far scintille, scintillare Tedescu Funken sprühen.

flaría , nf: fraria Definitzione frore de chinisu chi bolat de su fogu Sinònimos e contràrios chinchidha, cinciriga, cispa, fradhissa, fraidha, frarissa, ichinchidha, ischinchiridha, istenchidha, làntica, pispidha, schinchidha, tighinisa Frases custu logu cincidhit flaria! ◊ custu est cinixu o fraria? ◊ su letu est sentza de fai, is forredhus funt prenus de fraria, su logu sentza de isciacuai ◊ muinat fumu e cinisu, pistincat sa fraria ◊ daghi si alluet unu foghillone bolat fraria meda 2. a ingíriu a tui tessint unu mantu po chi mancu una fraria arruat in s'ispina Ètimu ltn. flagrare Tradutziones Frantzesu étincelle Ingresu spark Ispagnolu chispa Italianu scintilla Tedescu Funke (n).

fraídha , nf Definitzione biculedhu de cosa alluta chi brínchidat de su fogu, mescamente segundhu sa linna, o de su ferru abbrigau a meda, sardandho a elétricu o fintzes de duos filos nuos cun sa currente candho si benint apare Sinònimos e contràrios chinchidha, cinciriga, cispa, flaria, frarissa, ichinchidha, ischinchiridha, istenchidha, làntica, pispidha, schinchidha, tighinisa Frases sa vida mia est durada coment'e una fraidha de linna ◊ poni calincuna cosa ananti de su fogu ca nd'iscudit sa fraidha atesu! Ètimu ltn. favilla Tradutziones Frantzesu étincelle Ingresu spark Ispagnolu chispa Italianu scintilla Tedescu Funke.

ichinchídha , nf, nm: ischendita, ischentidha, ischindidha, ischindídhia, ischindita, ischinnita, ischinnitza, ischintidha, ischintídhia, ischintídhiu, ischintiza, ischintiridha, ischintridha, ischintzidha, issintidha, istinchídhia Definitzione biculedhu de cosa alluta chi brínchidat de su fogu, mescamente segundhu sa linna, o de su ferru abbrigau a meda, o sardandho a elétricu e fintzes de duos filos nuos cun sa currente candho si benint apare chentza passare in d-un’aparíciu Sinònimos e contràrios chinchidha, cinciriga, cispa, flaria, fraidha, ischinchiridha, istenchidha, istintidha, làntica, pispidha, schinchidha, scringhidha, tighinisa Frases sas ischintzidhas de su focu artziabant a chelu ◊ bides in chelu lughendhe un'ispera che ischinnita de diamante ◊ che pedra catzavogu, a su colpu ndhe làmpinat s'ischintidha ◊ su bentu est truvendhe ischintiridhas de fogu ◊ si sulas, framma e ischintizas bolant Ètimu ltn. scintilla Tradutziones Frantzesu étincelle Ingresu spark Ispagnolu chispa Italianu scintilla Tedescu Funke.

tighinísa , nf Definitzione orrughedhu de cosa alluta chi brínchidat de su fogu, mescamente segundhu sa linna, o de su ferru abbrigau a meda e pistau a martedhu o fintzes de duos filos nuos cun sa currente candho si benint apare Sinònimos e contràrios chinchidha, cinciriga, cispa, flaria, fraidha, ichinchidha, ischinchiridha, istenchidha, pispidha, schinchidha, tzighimisa Tradutziones Frantzesu étincelle Ingresu spark Ispagnolu chiribita Italianu favilla Tedescu Funke.