Ditzionàriu in línia
de sa limba e de sa cultura sarda

iscòca 1 , nf: iscroca 1 Definitzione essidura chi si faet in matéria, in sa carre, fruschedha manna, e fintzes infetu / ghetare i. = fàghere infetu (nadu de una fruschedha) Sinònimos e contràrios brúgula, cicione 2, lanturra, sangiolu, tzoedhu Frases cust'ómine ciughiat sa lara de suta sèmpere piena de iscrocas chi istaiant semper falendhe (S.Saba) Ètimu srd. Tradutziones Frantzesu scrofule, écrouelles Ingresu scrofulosis Ispagnolu escrofulosis Italianu scrofolòsi Tedescu Skrofulose.

porcedhànas , nf pl: procedhanas, prochedhanas Definitzione su male de sas ranas, genia de maladia chi pigat prus che àteru is pipios a is gràndhulas o néulas de sa pedhe, mescamente in su gúturu, in is subrecos, in ímbenas, faet a nodighedhos chi si ufrant, si martzint e si aperint e bogant malesa (matéria) Frases mi arregodo ca tia Pes fut prena de prochedhanas in totu su tzugu, fut malaia meda Terminologia iscientìfica mld Ètimu ctl. porcellanas Tradutziones Frantzesu scrofule Ingresu scrofulosis Ispagnolu escrofulosis Italianu scrofolòsi Tedescu Skrofulose.