Ditzionàriu in línia
de sa limba e de sa cultura sarda

iscàndhalu , nm: iscàndhulu, scàndalu Definitzione male mannu chi si faet ananti de gente o de una manera chi medas dh'ischint, dhu bient; fintzes briga chi si giaet de fàere abbarrare male s'àteru, fata in ananti de gente, figura mala meda; cosa de andhare male meda, sèmpere fata ananti de gente Sinònimos e contràrios desacatu, iscandhalígiu, sciagumeo Frases ti fato iscàndhalu in dainanti de totugantos, si mi negas su cumandhu! ◊ sunt totu furendhe a fatza manna: un'iscàndhalu! ◊ pro no fàchere iscàndhalu e frigonza chin custas vestes, atopàdemi! ◊ comare mia, si no mi torrades su pudhu bos fato iscàndhulu! Ètimu itl. Tradutziones Frantzesu scandale Ingresu scandal Ispagnolu escándalo Italianu scàndalo Tedescu Skandal.