Ditzionàriu in línia
de sa limba e de sa cultura sarda

abàntzu , nm: avantzu, avassu Definitzione cosa in prus, su chi abarrat sobradu, coígiu chi no si papat, o chi no s'ispàciat, de ccn. cosa Sinònimos e contràrios acógiu, arràsigu 1, avantzúmine, códiu, coígiu, coilla, sobra Frases s'oberaju mazore nachi a s'arrangiare, chi issu ndhe aiat de avassu de pidinos! Ètimu itl. avanzo Tradutziones Frantzesu reste, surplus Ingresu remnant Ispagnolu sobra Italianu avanzo Tedescu Rest.

arretàgliu , nm: arretallu, retàgliu* Definitzione orrugu de pannu o drapu segau de sa petza, orrobba de prammu Sinònimos e contràrios arrogu, bículu, fiocu, isperriolu, randhàgliu Tradutziones Frantzesu retaille, coupure, chutes Ingresu remnant Ispagnolu retazo, retal Italianu ritàglio Tedescu Ausschnitt.

frochèdha , nf Definitzione chirrione, frocos de lana, is chi no abbarrant impare cun sa parte manna de una lana túndhia; nie a frocos (e fintzes pallasina abbruxada chi bolat, frochedha de chinisu) Sinònimos e contràrios fioca Frases chin frochedhas tesso trama (M.Dore) Tradutziones Frantzesu flocon Ingresu wool remnant Ispagnolu vedija, lana suelta Italianu pezzame di lana Tedescu Krempelwolle.

iscampudhítu , nm: iscampulitu, iscampullitu Definitzione su chi abbarrat de ccn. cosa; fura in s'ispesa, s'arrestu chi unu, a cua, a iscusi, si lassat de su dinare chi dhi ant giau po comporare cosa; fintzes tretu de logu campu in logos de matedu cracu / i. de tempus = àchiu, iscuta, ora de pòdere fàere calecuna cosa Sinònimos e contràrios arrestu, resídiu, scampudhu, sobra / iscamparitu Frases andho a cabidare olia: dae su sodhu de s'iscampullitu ndhe apo a fàghere coritu e imbustu Ètimu itl.t scampoletto Tradutziones Frantzesu reste Ingresu remnant Ispagnolu residuo, desecho Italianu resìduo Tedescu Rest.

iscutúra , nf Definitzione cosa chi abbarrat, coment'e coígiu, fintzes s'úrtimu fígiu chi naschit in sa famíglia Sinònimos e contràrios iscutinadura, resuzu Ètimu srd. Tradutziones Frantzesu reste Ingresu remnant Ispagnolu sobra Italianu rimanènza Tedescu Rest.

scabarròne , nm: iscaparrone*, scaparroni Definitzione orrugu de orrobba chi abbarrat, coígiu, ma fintzes orrugu de terra; fintzes cosa chi si depet, cosa de pagare / abarrai a s. (nau de ccn.) = chentza cojados Sinònimos e contràrios zura / dépidu, gépidu Frases dhi apu nau a mi ndi betiri unu teu, de tripa, e mi ndi portat unu scaparroni! 2. cussu abarrat a scaparroni! Tradutziones Frantzesu coupon Ingresu remnant Ispagnolu retal Italianu scàmpolo Tedescu Stoffrest.