Ditzionàriu in línia
de sa limba e de sa cultura sarda

boetòne , nm: buatone, buatoni Definitzione genia de persona fata de istràcios po dh'apicare in bíngia a giagarare pigiones; fintzes persona mascarandho, bestia a màscara / passare s'innotzente a b. = ghetai sa nexi a chini no ndi tenit Sinònimos e contràrios bustaglioni, ispantamata, malmuntone, màscara, mustagione Frases malestidos e istratzulados pariamus sos buatones chi ponent in binza ◊ est faladu a terra a costa longa che unu buatone! 2. custos boetones, cun cudha caratza longa de linna in cara, aiant una crispa mala chi faghiat a timire sa pisedhina 3. a fora sos buatones: cun issos no si podet piús campare! ◊ sunt passendhe s'innotzente a buatone! Ètimu cdh. buattoni Tradutziones Frantzesu épouvantail Ingresu puppet Ispagnolu títere Italianu fantòccio Tedescu Vogelscheuche.

buratínu , nm: burratinu Definitzione figura pitichedha de gente, a bisura de fàere a erríere, chi si movet comente dha manígiat su gioghistu Sinònimos e contràrios marioleta, púpulu Tradutziones Frantzesu marionnette Ingresu puppet Ispagnolu títere Italianu burattino Tedescu Marionette.

pupòne, pupòni , nm Definitzione pipiu matucu, créschiu; figura a bisura de cristianu, fata a giogu Sinònimos e contràrios mustagione Frases ajozi a fàghere pupones de nie cun su nasu de ligarza, cun sos ògios de carvone! Tradutziones Frantzesu poupée, pantin Ingresu puppet Ispagnolu marioneta, títere Italianu pupazzo Tedescu Puppe.

uceòmu , nm Definitzione su Zorzi chi si faet a carrasegare; genia de mamutzone po giagarare pigiones Sinònimos e contràrios atziomo, bisera, furriadolza, mustagione, pinnatzu 1 Ètimu ltn.e ecce homo Tradutziones Frantzesu épouvantail Ingresu puppet, scarecrow Ispagnolu muñeco, espantapájaros Italianu fantòccio, spauràcchio per uccèlli Tedescu Vogelscheuche.