Ditzionàriu in línia
de sa limba e de sa cultura sarda

acancarronàu , pps, agt: aconcorronau, aconcorruau Definitzione de acancarronai; chi est a unu gànciu, a cancarrone Sinònimos e contràrios aconcorrodhau, ancrujadu, ganciudu, pinnichedhau, unchinadu / cdh. acurrunciulatu | ctr. daretu, istirau, ténneru 2. cussa mata est totu acancarronada ◊ fiat arrennésciu a sanai, mancai cundennau a camminai acancarronau Tradutziones Frantzesu pelotonné Ingresu curled up, numbed Ispagnolu encorvado, encogido Italianu uncinato, rannicchiato Tedescu gekrümmt, erstarrt.

addoliàdu , pps, agt Definitzione de addoliare; chi est totu a dolores Sinònimos e contràrios addolidu, addolimadu, addoliminadu, addolofiatu, addoloridu, addolumenadu, indilighidu Tradutziones Frantzesu endolori Ingresu aching, numbed Ispagnolu dolorido Italianu dolorante, indolenzito Tedescu gefühllos.

addolídu , pps, agt: addoliu Definitzione de addolire; chi est a dolores; chi sentit dolore, dispraxere mannu Sinònimos e contràrios addoliadu, addolimadu, addoloridu, indilighidu 2. sas féminas sunt pianghindhe addolidas Tradutziones Frantzesu endolori Ingresu numbed, grieved Ispagnolu entumecido, afligido Italianu indolenzito, addolorato Tedescu schmerzend.

addolimàdu , pps, agt Definitzione de addolimare; chi est a dólimas, chi dhi dolet calecunu arremu de sa carena, ma fintzes chi tenet dispraxere Sinònimos e contràrios addoliadu, addolidu, addoliminadu, addolofiatu, addoloridu, addolumenadu, indilighidu / cdh. addulumitu Frases est una percossada gai bruta chi si at insambenadu su carrone e tota addolimada est sa persone chi pro sa cura li ponet pedinu 2. addolimadu, sas pàzines serro de sos mentuados naradores Tradutziones Frantzesu endolori Ingresu aching, numbed Ispagnolu dolorido afligido Italianu dolorante, indolenzito Tedescu schmerzend, betrübt.

aggrantzídu , agt Definitzione chi est aggranciu, fatu a cancarrone Sinònimos e contràrios acancarronau, aggrammiadu, aggrauncidu, aggurtedhau, istropiadu, rentesu Frases zughiat sa manu a punzu serradu coment'e aggrantzida Tradutziones Frantzesu engourdi Ingresu numbed Ispagnolu agarrotado Italianu rattrappito Tedescu verkrampft.

assutzudhíu , agt: atzutzudhiu Definitzione chi giughet sa tudha de su fritu, afritoriu, o fintzes po timória Sinònimos e contràrios altudhidu, aprilutziu, assutzurredhau, atzutzudhau, sfrigiorau Frases is duas sorres furint atzutzudhias de s'assustru Ètimu srd. Tradutziones Frantzesu transi, engourdi Ingresu numbed Ispagnolu aterido Italianu intirizzito Tedescu erstarrt.

cancaràdu , pps, agt: cancaratu, cancarau, cancurau Definitzione de cancarare; chi portat sa manu o àteru arremu chentza ndhe pòdere bàlere, chentza fortza, acancarronau; nau de un'arremu fintzes candho est informigau, coment'e dormiu o immarriu de comente fut postu ora meda / trigu, orzu cancaradu = cun s'ispiga dórchida conca a terra Sinònimos e contràrios aggrammiadu Frases lampu, s'iscrossa chi mi at dadu, sa currente, mi at cancaradu sa manu! ◊ ohi, ohi, mi at cancarau totu sa camba! 2. bogadiche su vísciu de pedire e ista cun sas manos cancaradu! ◊ cussu dranghilloi mannu ciai podiat andai a isperdiai, ca no est cancarau! ◊ bai a castiai, ca no portas mancu is cambas cancaradas! ◊ che fui cancurau de su fritu! ◊ nois semus cancaratos dae su fritu, chin su pilu erpilatu ◊ sa vida fut disumana, cancaraos de fritu, chin apititu e gana!◊ portaiaus is cambas cancaradas a fortza de abarrai sétzius in màchina Tradutziones Frantzesu engourdi, transi Ingresu numbed Ispagnolu entumecido, aterido, agarrotado Italianu intirizzito, rattrappito Tedescu erstarrt, steif.

indilighídu , pps, agt Definitzione de indilighire; chi dolet, chi no faet a dhu tocare ca dolet / piae indilighida = chi dolet meda Sinònimos e contràrios dílicu / addoliadu, addolidu, addolimadu, addoloridu Tradutziones Frantzesu endolori Ingresu numbed, very sensitive Ispagnolu dolorido, muy sensible Italianu indolenzito, mólto sensìbile Tedescu eingeschlafen, sehr empfindlich.

sidhídu , pps, agt: sidhiu Definitzione de sidhire; chi est firmu sizidu, cradu, o, nau de unu, fintzes chi no foedhat, chi abbarrat citiu, chi istat firmu Sinònimos e contràrios firmu, serradu, sidhadu 1, sizidu / mudu / aggruncidu Maneras de nàrrere csn: sidhiu! = frimmu!, mudu!; buca sidhia = buca cosida, serrada, nadu de chie si callat mudu, no iscóbiat nudha; mòrriri sidhiu = mòrrere inteterighedhadu de su fritu 2. est chin sas barras sidhias ◊ benindi a innòi, cantu chi abarras sidhiu ingunis! ◊ sidhia tui, ca nci nd'at po tui puru! ◊ abarra inguni sidhiu, no bèngiat genti a comporai cosa! ◊ sa fentana no seu arrennésciu a dh'oberri: est sidhia ◊ tui fai su chi ti nant e sidhiu che sa balla! 3. sidhiu, ca megas de iscoviai totu! ◊ apo intesu custu istragamuzu… mi ne seo pesadu sidhidu, no ischio ite cosa fut (Z.Porcu)◊ sidhiu, deghinò ti pòngiu su murrabi! Tradutziones Frantzesu cacheté, transi Ingresu sealed, numbed Ispagnolu cerrado herméticamente, entumecido Italianu sigillato, intirizzito Tedescu versiegelt, erstarrt.