avócu , nm Sinònimos e contràrios aficu, ispera, isperànscia, médiu Frases pro l'azuare nos semus fintzas indepidados: ma pro isse no bi at avocu (G.Ruju)◊ pro cussu male no bi at avocu Ètimu srd. Tradutziones Frantzesu espoir Ingresu hope, possibility Ispagnolu esperanza Italianu speranza, possibilità Tedescu Hoffnung, Möglichkeit.

ispèra , nf, nm: ispériu, isperu, spera Definitzione cosa, arresurtau, un'iscopu, o bene chi unu ibertat o pentzat de àere in su tempus benidore, genia de idea chi una cosa andhet in bonu e po cussu ponet fintzes ànimu e unu faet su possíbbile po dhue lòmpere / contipizare una i. = punnare cun contivizu a carchi iscopu Sinònimos e contràrios abetu, aficu, aisetu, cabu, isperànscia Frases o marronadore, sos isperos cucuzas in sa terra ◊ o terra mia, promissas e isperas no isetes! ◊ sunt andhados in terra istraniera, però su coro si l'ant istratzadu e l'ant a sos nuraghes intregadu imboligadu cun filu de ispera ◊ sa morte mi est lendhe sa vida e s'isperu ◊ Gesús miu istimau, donaimí unu pagu de ispera! ◊ in custu mundhu dias un'ispera a sa zenia! ◊ s'ómine tenet pro guida sos ispérios suos piús bellos ◊ e comente sa terra fiorindhe fit in dogni badhe, gai dogni coro fit de noedhu ispériu godindhe (A.Casula) Ètimu ctl. espera Tradutziones Frantzesu espoir Ingresu hope Ispagnolu esperanza Italianu speranza Tedescu Hoffnung.

isperài , vrb: isperare, sperai Definitzione àere aficu, ibertu bonu, èssere in s'idea chi calecuna cosa arresurtet in bonu Sinònimos e contràrios aficare Frases no isperabo un'òpera mezus de custa ◊ po is méritus de Cristus podeus isperai de èssiri ascurtaus ◊ ispero de bos pòtere iscrívere ◊ isperamus chi non ghires a tardu ◊ fit isperandhe de tirare zorronada bona ◊ iat isperau de podi passai totu sa vida cun issu Ètimu ltn. sperare Tradutziones Frantzesu espérer Ingresu to hope Ispagnolu esperar Italianu sperare Tedescu hoffen.

isperantziàre , vrb: sperantzai Definitzione giare bonos ànimos, giare isperu o ibertu bonu Ètimu itl. speranzare Tradutziones Frantzesu donner de l'espoir Ingresu to give hope Ispagnolu esperanzar Italianu dare speranza Tedescu jmdm Hoffnung machen.

«« Torra a chircare