fannúga , nf: frannuga Definitzione
matéria chi si faet a inghíriu de s'unga; filu de unga o tzudha de is pódhighes: pigighedhu o limbedhu de carre chi si ndhe artzat apresu de is ungas (is frannugas)
Sinònimos e contràrios
didusuisui,
inghiriabódhighe,
inghiriúngia,
paneunga,
podhighesuisui,
sosoi,
suisui,
ungaúngiu
/
filinzone,
filistru,
filiuncu,
panarighe,
panaritzu,
perunga,
peunga,
pibitzili,
pilinzone,
pilisungra,
tanarígia
Ètimu
ltn.
panuc(u)la
Tradutziones
Frantzesu
envies des ongles
Ingresu
hang nail
Ispagnolu
uñero,
panadizo
Italianu
paneréccio,
pipita delle ùnghie
Tedescu
Fingergeschwür,
Niednagel,
Neidnagel.
pibída , nf: pibira,
pipida Definitzione
maladia chi benit a is pudhas, chi aperint sa buca parent cascandho, dhis intostat s'arraighina de sa limba; custu foedhu dhu narant a frastimu puru, a chie tzérriat tropu; a logos, sa p. est una parte de sa carena de pudhos e pudhas, sa coa, su nodu de sa coa totu grassu
Sinònimos e contràrios
cóschiru,
coscus
Frases
pudhas e pudhos fint unu masone, ma su male pudhinu, sa pipida, los at mortos ◊ a sa pudha dha picat sa pipida e s'iscrou ◊ is pillonedhus funt morendisia de sa pibida ◊ sas pigas, comente cantant, paret chi apant sa pibida!
2.
sa pibida chi ndhe li falet: manera de abboghinare!…◊ anchi dhu pighit sa pibira!
3.
sa filla at pratziu su caboniscu: a issa is còscias, a su babbu e a sa mamma dhis at postu su tzugu, sa punta de is alas e sa pibida! (M.L.Serpi)
Terminologia iscientìfica
mld
Ètimu
ltn.
*pipita
Tradutziones
Frantzesu
pépie
Ingresu
hang nail
Ispagnolu
pepita,
moquillo
Italianu
pipita
Tedescu
Pips.