Legenda Incurtzaduras | Legenda Sìmbulos

grisài , vrb: aggrisare, crisare, grisare 1 Definitzione nau mescamente de su Sole e de sa Luna, cambiare colore, fàere iscuru, giare prus paga lughe candho Terra e Luna che arresurtant unu ananti de s’àteru e si faent umbra; iscumpàrrere, coment'e cuandhosi, essire de sa vista, fintzes serrare is ogos; assicare, aumbràresi, salargiare; nau de animale fémina, sentire de angiare Sinònimos e contràrios incrisare, irgrisire / aclisare Frases candho l'ant a cantare "A porta ínferu" paris si ant a grisare sole e luna prontu abberindhe sa porta Lucíferu! ◊ si est grisada sa luna e no apu pótziu isparai a sirboni, a s'orbetu 2. oh tempus, fis tandho e ses como chena acamu, debbadas ti apo pessighidu, ma tue, lascinosu che colora, ti ses grisadu! (F.Murtinu)◊ su fumu grisat su colore asulu de s'aera ◊ sos ojos as grisadu e as lassadu trummentos in sos coros ◊ grisau ti fiast, chi no ti apu biu prus? 3. is brebeis si funt grisadas comenti ant biu a margiani ◊ una note sos anzones in s'annile si sunt grisaos e su pastore at pessau chi fit mariane Sambenados e Provèrbios prb: onzi cadhu lantadu a sa sedha si grisat Ètimu itl. eclissare Tradutziones Frantzesu assombrir, éclipser Ingresu moon darkening Ispagnolu obscurecerse el sol o la luna, obscurecer Italianu mutare, oscurarsi Tedescu sich verfinstern.

incheladúra , nf Definitzione su inchelare, su bíere o si pàrrere prus pagu Sinònimos e contràrios annapadura, imbeladura, impannu, inchelu Ètimu srd. Tradutziones Frantzesu obscurcissement Ingresu darkening Ispagnolu ofuscamiento Italianu offuscaménto Tedescu Verdunkelung.

inniedhigaméntu , nm Sinònimos e contràrios anniedhigamentu, inniedhigadura, inniedhigonzu Ètimu srd. Tradutziones Frantzesu noircissement Ingresu darkening Ispagnolu ennegrecimiento Italianu anneriménto, abbrunaménto Tedescu Schwärzung.

iscurigaméntu , nm Definitzione su s'iscurigare, nau de sa die, de su sole, de su tempus, su bènnere o fàere bènnere mancu sa lughe Sinònimos e contràrios iscuriconzu Ètimu srd. Tradutziones Frantzesu obscurcissement Ingresu darkening Ispagnolu obscurecimiento Italianu oscuraménto Tedescu Verdunklung (e).

«« Torra a chircare