Legenda Incurtzaduras | Legenda Sìmbulos

cherchedhàre , vrb Definitzione cadredhare, inartare in is peis de asegus comente faent unos cantu animales po cosa chi no bàliant Sinònimos e contràrios calchedhare*, crabiolai, crabitinare Tradutziones Frantzesu courbetter Ingresu to curvet Ispagnolu corvetear, empinarse Italianu far la corvétta Tedescu kurbettieren.

crabetínu , nm: crabitinu 1 Definitzione genia de andhadura de su cuadhu, candho incrubat sa conca, àrtziat is cúmburos e andhat a brinchidedhos che is crabitos (cun totu is bàtoro peis); cropu giau cun sa conca comente faent is mascos brebeghinos atumbandho Sinònimos e contràrios crabiola 1 / atróculu, tzumbada Frases su cadhu assuconadu si lis est pesadu a crabitinos e che los at betados a unu fossu ◊ su cadhu si est pesadu a crabitinos ruscendhe che dimóniu 2. su màsciu iscudet su crabitinu e mi che imbolat in mesu de su piúere ◊ mi pariant giogos, tribàglios, sonos, càntigos, ballos, búrulas, crabitinos e iscacàglios Tradutziones Frantzesu courbette Ingresu curvet Ispagnolu pirueta Italianu piroétta, corvétta Tedescu Kurbette.

crabiòla 1 , nf Definitzione genia de andhadura de su cuadhu, candho incrubat sa conca, inartat is cúmburos e andhat a brinchidedhos che is crabitos (cun totu is bàtoro peis) Sinònimos e contràrios crabetinu Ètimu srd. Tradutziones Frantzesu culbute, courbette Ingresu curvet Ispagnolu corveta Italianu capriòla, corvétta del cavallo Tedescu Kurbette.

crabiolài, crabiolàre , vrb Definitzione su si pesare a crabiolas, a crabitinos, a cumburadas, fintzes nau in cobertantza Sinònimos e contràrios crabitinare, ginetare Frases non balet chi ti solvas in suore crabiolendhe, pesèndhedi reu suta sas ancas de su domadore (G.Raga)◊ candho si leat calicunu a méria, Larentu crabiolat che tentorzu ◊ no ti fetas su redossu: mighi cuss'àinu crabiolat, càlchidat e móssigat puru! ◊ crabiolendhe, a brincos, curristi a s'isfunada Ètimu srd. Tradutziones Frantzesu courbetter Ingresu to curvet Ispagnolu corvetear Italianu corvettare Tedescu kurbettieren.

crabitinàre , vrb Definitzione andhare a brinchitos coment'e is crabitos, mescamente nau de un'andhadura de su cuadhu candho brínchidat, ma fintzes de àteros animales e de gente puru Sinònimos e contràrios cherchedhare, crabiolai, ginetare Frases apena mi at sebestadu mi at fatu unu mundhu de festa, crabitinendhe Ètimu srd. Tradutziones Frantzesu cabrioler, courbetter Ingresu to curvet Ispagnolu corvetear Italianu capriolare, corvettare del cavallo Tedescu kurbettieren.

giàgu 2 , nm: zagu Definitzione brínchidu chi faet su cuadhu candho agatat cosa in mesu, ananti, candho dhu current Sinònimos e contràrios bótiu, brinche, brínchidu, brínchili, brincu, sàdhidu, sàltidu, sédhida Tradutziones Frantzesu courbette Ingresu curvet Ispagnolu salto del caballo, bote Italianu corvétta, balzo del cavallo Tedescu Kurbette, Sprung.

«« Torra a chircare