Ditzionàriu in línia
de sa limba e de sa cultura sarda

manàda , nf: maniata Definitzione su tanti de trigu messau o àteru matzu de cosa chi podet pigare una manu (a logos, perra de manu, a logos unu tanti de matzos); cropu giau cun sa manu Sinònimos e contràrios cugusta, matulada 1, perrunca Frases intendho ancora sos tzocos de s'àrgada, candho giaju dae unu mannuju de linu ndhe faghiat una manada ◊ so essida a bodhire pagas manadas de frenugu ◊ deghe manadas a cantu cabent in d-una manu cumponent su mannuju 2. gioghendi a sa folla de sa crocoriga, sa manada sua a cussu chi dhi tocàt a s'atacai dhu lassàt istronau! (Lai) Ètimu srd. Tradutziones Frantzesu poignée, tape Ingresu handful, cuff Ispagnolu manada, palmada Italianu manata Tedescu Handvoll, Handschlag.

pungítu , nm Definitzione brúciu de camisa, inue acabbat sa màniga de unu bestimentu acanta a sa manu, segundhu su costúmene o su bestimentu Sinònimos e contràrios beculeri, brucinitu, brúciu, brutzitus, burtuleto Frases seu arrepuntendi is pungitus de sa camisa ◊ in is pungitus de sa camisa de is sordaus dhoi fiant duas líteras Ètimu spn. Tradutziones Frantzesu manchette Ingresu cuff Ispagnolu puño Italianu polsino Tedescu Manschette.