cannídu , pps, agt: cannitu 1, canniu Definitzione de cannire; chi est segau (ma no deunudotu), tzacau, chi portat filu de segadura: nau de unu, chi tenet pecu, chi no est síncheru (mescamente in su cumportamentu) Sinònimos e contràrios chinnidu, scannigau, sinnigadu, tinniadu, tzacau / cdh. cannutu Frases ndh'est rutu dae s'àrbure e si at cannidu duas costas 2. parent làgrimas tristas de mistériu chi sorvent a s'iscúsiu sos disizos cannios ◊ sonat che cosa cannida, faghet sonu malu ◊ sa campana cannia l'ant sichia a secare ◊ sa campana fit betza de s'impreu e fit puru cannida Sambenados e Provèrbios prb: tassa cannia niunu la neat Tradutziones Frantzesu fêlé Ingresu cracked Ispagnolu rajado Italianu incrinato Tedescu rissig.

iscrachedhàdu , pps, agt Definitzione de iscrachedhare; nau de frutuàriu cotu e chíbberu, chi portat su pigiolu aperindhosi; fintzes chi est coment'e murru, cun diferentes colores Sinònimos e contràrios fresuladu, illavrudhadu, scritu / cdh. schilchidhatu / balzu, incespiau 2. sa figu est bene cota candho est iscrachedhada 3. cun cussa bestimenta iscrechedhada pariat pintadu a pinzellu! ◊ s'arza est iscrechedhada a ruju Tradutziones Frantzesu crevassé Ingresu cracked Ispagnolu fruta agrietada Italianu screpolato Tedescu aufgesprungen.

scanníu , pps, agt: schinniu Definitzione de scanniri; chi no sonat bene o chi faet sonu légiu (sonu coment'e de cosa segada); nau de un'istrégiu, chi giughet isperradura, tzacadura fine fine; nau de unu, chi est malandhau / portai sa boxi scannia = unu pagu serragada (ma si narat èssi sarragau) Sinònimos e contràrios afilau, cannidu, chinnidu / arroghidu, iscannidu, serragadu / tunconidu 2. no ti acatas chi ses totu schinniu, bragheri?! ◊ sa téula scannia ◊ est físchidu che una damigiana scannia 3. portat sa boxi scannia Tradutziones Frantzesu fêlé Ingresu cracked Ispagnolu hueco, retumbante, agrietado Italianu incrinato, fésso Tedescu gesprungen, rissig, dumpf, dumm.

scaravangiàu , pps, agt: scrafangiau Definitzione de scaravangiai; chi est apertu, chi portat tzacaduras, crapiduras Sinònimos e contràrios freosu, iscrachedhadu / cdh. scarabutzatu 2. sa fachi fait torra strunciosa e scrafangiada, parit màscara maba candu est carrasegai ◊ portu carronis e manus scrafangiaus ◊ sceti scrafangiaras si boliant, is tzípulas suas… dhas fait sempri tostadas che balla!◊ malaritus, scrafangiaus siais! Tradutziones Frantzesu crevassé Ingresu cracked, got chapped Ispagnolu agrietado, resquebrajado Italianu screpolato Tedescu aufgesprungen.

sinnigàdu , pps, agt Definitzione de sinnigare; chi est tinniadu, tzacau (nau de istrégiu de materiale chídrinu) Sinònimos e contràrios afiladu, tzacadu 2. sa broca est sinnigada ca che l'ant boltulada a terra Tradutziones Frantzesu fêlé Ingresu cracked Ispagnolu agrietado Italianu incrinato Tedescu rissig.

«« Torra a chircare