Ditzionàriu in línia
de sa limba e de sa cultura sarda

cadèna , nf: carena 1, catena Definitzione genia de cosa longa po acapiare fata a tantos lobos intraos apare (mescamente de metallu); impíciu grae, acàpiu légiu; filera de fundhos de bide; chedha de cuadhos acapiaos apare po treulare; filera de latzos po cassare pigiones / min. cadenedha = cadena pitica Sinònimos e contràrios arrenghera, fibera, fila, filerina, giuali, lérina, óldine Maneras de nàrrere csn: cadenita = prendha de zúghere in trugu apicada; cadena de sa domo = biga maista de sa teulada; una cadena se sarmentu = un'órdine de bide; puntu de cadena = zenia de cosidura Frases a su gantzellu l'ant postu una cadena pro lu muntènnere serradu ◊ teniant su mannale presu a cadena ◊ si sa pessone no agguantat a paràulas no abbarrat mancu presa a cadena 2. cussu est una cadena, no un'amigu! 3. is cadinus po binnennai furint in conca de cadena Ètimu ltn. catena Tradutziones Frantzesu chaîne Ingresu chain Ispagnolu cadena Italianu caténa Tedescu Kette.

cadeníglia , nf: careníglia Definitzione genia de prendha de portare in su tzugu, apicada calandho in petorras; trebballu fatu a ferritos / fai unu trabballu a puntu de cadeníglia Sinònimos e contràrios cadenita, teneghita Terminologia iscientìfica prd Ètimu spn. cadenilla Tradutziones Frantzesu chaînette Ingresu small chain Ispagnolu cadenita Italianu catenèlla Tedescu Kettchen.

cadeníta, cadenítza , nf Definitzione min. de cadena; genia de prendha de portare in su tzugu apicada, calandho in petorras Sinònimos e contràrios gionchígliu, teneghita Frases zughet una cadenita de oro chi li falat in su petus Terminologia iscientìfica prd Tradutziones Frantzesu chaîne (de cou) Ingresu thin chain Ispagnolu cadena (de oroplata) Italianu catenina Tedescu Kettchen.

gionchígliu, gionchíllu , nm, nf: giunchígliu 1, giunchílliu, giunchillu, zinchíglia Definitzione prendha, genia de cadenita o cadenatzu de oro o de prata a lórigas piticas e unu pagu longas Sinònimos e contràrios cadenita Frases portat unu bellu gionchígliu de òru ◊ giunchígliu e cadenatzu mi at donau sorga mia ◊ is gàncius de su cosseto aggànciant a manu manca e a manu bona calat su giunchillu Terminologia iscientìfica prd Ètimu spn. junquillo Tradutziones Frantzesu chaînette Ingresu thin chain Ispagnolu cadena Italianu catenina Tedescu Kettchen.

gríglios , nm pl: grillos, grillus Definitzione genia de trobea o cadena chi poniant a is manos o a is peis e pesu chi poniant a is presoneris Sinònimos e contràrios griglione, musas Terminologia iscientìfica ans Ètimu spn. Tradutziones Frantzesu chaîne Ingresu chain, iron block Ispagnolu grillos Italianu caténa, céppo di fèrro Tedescu Kette.

incadenài , vrb: incadenare, incatenare Definitzione acapiare cun cadenas; pònnere cosas coment'e acapiadas o agguantadas apare s'una cun s'àtera, a manera de fàere fortza impare, fintzes a bisura de incantu Sinònimos e contràrios acadenai, acapiae, incadenitare 2. sos ojos bellos tuos incadenadu mi ant! Ètimu srd. Tradutziones Frantzesu enchaîner Ingresu to chain, to link together Ispagnolu encadenar Italianu incatenare, concatenare Tedescu anketten, verketten.

teneghíta , nf Definitzione genia de prendha de pònnere in su tzugu, apicada a calare in petorras Sinònimos e contràrios cadeníglia, cadenita Terminologia iscientìfica prd Tradutziones Frantzesu chaînette Ingresu fine chain Ispagnolu cadena Italianu catenèlla Tedescu Kettchen.