Legenda Incurtzaduras | Legenda Sìmbulos

cadhàrgiu , nm: cadharzu 1, cadhaxu, cadraxu, cardàgia, cardàgiu, cardaxu, cardazu, chedhàrgiu, chedharju, chedharzu, cradaxu, cradhaxu Definitzione genia de istrégiu mannu e largu prus che àteru de metallu a pònnere abba, late, e àteru; genia de trébide / min. cadhargiola, chedharjedhu, chedhargiolu Sinònimos e contràrios caldarone, labia, labiola / trebidàlgiu Maneras de nàrrere csn: cardaxu de gisterra = su fundhu de sa gisterra; pèrdiri lati e cradhaxu = pèrdere totugantu, sacu e sale Frases apu biu unu cardaxu mannu… aintru ci fiant trinta arramanajus martedhendu e s'unu no s'intendiat cun s'àteru! ◊ sa bagadia andàt a chedhàrgiu a conca, a frúmene ◊ ch'est orrutu su pipiu a su chedharzu de su soru 2. ci at pérdiu totu, lati e cradhaxu Terminologia iscientìfica stz Ètimu ltn. caldarium Tradutziones Frantzesu chaudière Ingresu cauldron Ispagnolu caldera Italianu caldàia Tedescu Heizkessel.

caldaròne , nm: calderoni, galdarone Definitzione genia de istrégiu mannitu po pònnere cosa a còere, po múrghere, e àteru Sinònimos e contràrios cadhàrgiu, caldarola, cardera, labia Frases sa note chi faghent su cógiu lis sonant caldarones in sa gianna Terminologia iscientìfica stz Tradutziones Frantzesu chaudron Ingresu cauldron Ispagnolu caldero Italianu paiòlo Tedescu Kochkessel.

cardarèlla , nf Definitzione istrégiu de muradores a pònnere impastu chi leant a palita, trebballandho Sinònimos e contràrios pagiolu Frases a cantu resessiat a s'agiuare sa cardarella de su cimentu Terminologia iscientìfica stz Tradutziones Frantzesu bouloir Ingresu cauldron Ispagnolu cuezo Italianu calderèlla Tedescu kleiner Kessel

labía , nf: labija, lapia Definitzione genia de istrégiu mannu (prus che àteru de arràmene), largu, cun su fundhu unu pagu acociarau, a costaos artos e cun duas asas de ferru po dhu pòdere pigare prenu in duos; lapia est a logos su calighemuru Sinònimos e contràrios cadhàrgiu, labiola Frases restaia ispantada a bídere cudha labia manna prena de late supesada cun su bratzu de una grua ◊ commo mi ammento cussa lapia de ràmene luchente ◊ sos labiolos sunt diventados labijas Sambenados e Provèrbios smb: Labia, Lapia Terminologia iscientìfica stz Ètimu ltn. lapidia Tradutziones Frantzesu chaudière, grande chaudière Ingresu cauldron Ispagnolu caldera de cobre Italianu grande caldàia, calderóne Tedescu großer Kessel.

«« Torra a chircare