artificiàle, artifissiàle, artifitziàle, artifitziàli , agt Definitzione chi no est fatu comente dhu faet sa natura o comente si faet a solu, ma chi dh’at fatu sa gente prus che àteru cun machinàrios, imbentos o àteru Sinònimos e contràrios artefatu | ctr. naturale Frases unu professore iscentziadu proendhe in su conígliu est arrivadu a creare su fizu artificiale (P.Masia)◊ a sa festa ant fatu sos fogos artificiales ◊ in Sardinna sos lagos sunt totu artifitziales, foras unu Tradutziones Frantzesu artificiel Ingresu artificial Ispagnolu artificial Italianu artificiale Tedescu künstlich.

fatíscu , agt Definitzione chi dh’at postu o fatu sa gente, calecunu, chi no dh'at fatu sa natura, fintzes chi est fatu a màchina Sinònimos e contràrios artefatu | ctr. naturale Frases est unu bellu fiore, ma de fiore no zughet ne profumu e ne umore, solu sa frigura ca est fatiscu! ◊ sa libbertate de sos sinnos fatiscos dat a sos ómines sa possibbilitate de si cumprèndhere apare mentzus e de prus de su chi permitiant sos sinnos naturales Tradutziones Frantzesu artificiel Ingresu artificial Ispagnolu artificial Italianu artificiale, artefatto Tedescu künstlich.

«« Torra a chircare