Ditzionàriu in línia
de sa limba e de sa cultura sarda

cincidhósu , agt Definitzione chi faet o bogat ischintídhias Sinònimos e contràrios cisposu, ischinditeri, ischintidhosu, scincidhosu Frases su celu a colori de prumu, che unu crabetori mannu chi acovecat una pingiada budhendi de tempus malu, si fait acostai ancora de prus a su fogu crispu e cincidhosu (P.Pisu) Ètimu srd. Tradutziones Frantzesu étincelant Ingresu sparkling Ispagnolu chispeante Italianu che fa scintille Tedescu funkelnd.

ischintidhósu , agt: istinchidhosu, ischintzidhosu Definitzione nau de linna abbruxandho o de fogu a braxa, chi ischintídhiat, chi faet ischintídhias; nau de gente, chi est arrennegosa Sinònimos e contràrios cincidhosu, cisposu, scincidhosu / arrennegaditu Frases est unu titone ischintidhosu ◊ fit unu focu de chessa birde, fumosa e ischintzidhosa 2. no li nias nudha, za lu connosches chi est ischintidhosu, cussu! Ètimu srd. Tradutziones Frantzesu étincelant, hypersensible Ingresu sparkling, hypersensitive Ispagnolu chispeante, enfadadizo Italianu che fa scintille, scintillante, ipersensìbile Tedescu funkelnd, glänzend, überempfindlich.