isteremaméntu , nm: istremamentu Definitzione su isteremare Sinònimos e contràrios immàrgine, istremenonzu, procuabba, sfossonamentu, smuronamentu, smuroni, spilladura Frases sas abbas a tropu faghent s'isteremamentu de sa terra ◊ bi aiat àpidu isteremamentu e sa fua de s'abba aiat trazadu bascaràmine e terra Ètimu srd. Tradutziones Frantzesu éboulement Ingresu landslip Ispagnolu desmoronamiento Italianu smottaménto, frana Tedescu Erdrutsch.

sfossonaméntu , nm Definitzione su sfossonai, calamentu in giosso de terrenu a trèmene candho sa terra no poderat Sinònimos e contràrios isteremamentu, sfossonadura, smuronamentu Ètimu srd. Tradutziones Frantzesu éboulement Ingresu sliding Ispagnolu desmoronamiento Italianu franaménto Tedescu Abrutsch.

smuronaméntu , nm Definitzione tretu de terrenu chi si che abbàsciat in logu de monte, in is trèmenes o in logos de terra grussa in calada meda, coment'e terra a muntone (muroni) chi si che calat Sinònimos e contràrios istremenada, smuroni, spilladura, terrasegada Ètimu spn. Tradutziones Frantzesu éboulement Ingresu landslide Ispagnolu desmoronamiento Italianu smottaménto Tedescu Erdrutsch.

solúda , nf: suluda, suludra Definitzione coròngios orrutos impare chi parent unu erriu, in canales de costeras de monte totu orrocas Frases suludras de iscaza istérridas in costeras faghent traghinos longos biancos ◊ su monte s'irfachet in suludras de zarra ◊ antiandhe a su crastarzu be at una suludra de zarrones e non be parat pè Terminologia iscientìfica slg Ètimu ltn. soluta Tradutziones Frantzesu éboulement de roches Ingresu rockfall ground Ispagnolu derribo, derrumbamiento Italianu maceréto Tedescu Geröllhalde.

terrasegàda , nf Definitzione terra, tretu de trèmene chi ch'est calau in bàsciu Sinònimos e contràrios smuronamentu, terramenesecau Ètimu srd. Tradutziones Frantzesu éboulement Ingresu sliding (down) Ispagnolu desmoronamiento Italianu franaménto Tedescu Abrutsch.

«« Torra a chircare