Legenda Incurtzaduras | Legenda Sìmbulos

trébi , nm, nf: trébie, trébida, trébide, trébidi, trébini, trébiri, trémini, trémmini, trépide, tríbida, tríbide, trípide Definitzione trastu de ferru, coment'e unu cricu tundhu cun tres peis, po pònnere sa padedha cun su fogu asuta; genia de tribidedha po pònnere is mariposas; in is costumas de sa gente, sa trípide est un'ispétzia de comunella inter is obreris erederis chi faent sa festa a unu santu / treminedhu = sa rolliana de is orrodas de carru Sinònimos e contràrios brandali / cdh. tríbita, ttrs. tríbida Maneras de nàrrere csn: pònnere cosa a tríbide = a tres a tres e che a sos pes de una tríbide, fintzas in su sensu de meda, tropu; passare su tempus in trípides = no bídere s'ora de…, èssiri furighedhosus Frases at postu sa tríbide in su fogu e una padedha de cosa a còghere ◊ a calincunu testimóngiu dh'ia a fai ponni su culu in su trébini, po dhu fai cantai! ◊ tréminis e cardiga funt impai in sa giminera ◊ sa pingiada ancora in trèbinis est! 2. pigai s'iscàtula de is mariposas e liai unus cantu trébinis, po su mortu ◊ cussus trébinis comporaus no faint, bòinti fatus de fenu! Sambenados e Provèrbios smb: Trebini Ètimu ltn. *trepine(m), tripede(m) Tradutziones Frantzesu trépied Ingresu trivet Ispagnolu trébedes Italianu treppiède Tedescu Dreifuß.

trebidàlgiu, trebidàrgiu, trebidàrzu , nm: trebidraxu, trepidarzu, tribidalzu, tribidarzu, tripidàgliu, tripidàrgiu, tripidarju Definitzione genia de trébide fata, in su sartu, cun tres pedras postas a triàngulu po pònnere su cadhàrgiu o àteros istrègios mannos in su fogu, fintzes àteru fatu a bisura de trébide; genia de sótziu a tres Sinònimos e contràrios cadharzu / cdh. tribitàgiu Frases at fatu unu trebidarzu de orroca pro pònnere su cadharzu ◊ sos pes suos parent tribidalzos, de cantu sunt mannos ◊ agiusta su trebidàlgiu e pone fogu pro fàghere s'arrescotu! 2. sos piores sunt preparandhe una bella festa, comente ant fatu semper custos tripidarjos Ètimu srd. Tradutziones Frantzesu trépied Ingresu trivet, tripod Ispagnolu trébedes, trípode Italianu treppiède, trìpode Tedescu Dreifuß.

«« Torra a chircare