Ditzionàriu in línia
de sa limba e de sa cultura sarda

bàtibi , nm: bàtile, bàtili Definitzione pígiu grussu de orrobba modhe chi si ponet a s'animale asuta de sa sedha, fintzes asuta de su giuale (a s'àinu de mola, in gatzile); istràciu béciu o cosa imbrutada e lègia che unu bàtile e fintzes su panneananti (fardita) chi si ponet a is mascos brebeghinos Sinònimos e contràrios tramatzeta / cdh. bàtulu Maneras de nàrrere csn: fàgheresi a bàtile = nadu de cosa modhe chi si falat a pizu russu e tostu (lana, pilos, àteru); pònnere sos bàtiles a unu = pònnere sos corros (cun d-una parente); betare sos bàtiles a unu = incurpàrelu de carchi cosa; mòrrere a bàtiles = a cedhas, in medas, a trumas; ghetàresi su b. = imbrutàresi in su sensu de si leare sa responsabbilidade de fàghere cosa chi no piaghet Frases apo sétzidu s'acheta sentza bàtile e ne sedha ◊ su bàtili de s'arresi ◊ ge ndi eis postu de bàtibis a trotu e a travessu!…◊ cussa bestimenta dèu dha pongu po bàtili a burrincu! 2. su bàtile de pretzebbos seculare est zusta s'ora de nos lu catzare! ◊ zughet sos pilos a unu bàtile, chentza si los samunare mai! ◊ fit imbussulatu in cudhu bàtile comporatu pro sa cumbénia de su preju baratu 3. in sas trintzeras sos zòvanos fint morindhe a bàtiles 4. ses tui su chi as traíxiu e bolis detai is bàtilis a is àturus! Ètimu ltn. quactile Tradutziones Frantzesu tapis, coussin pour selle Ingresu undersaddle rug Ispagnolu sudadero Italianu tappetino sottosèlla Tedescu Woilach.

catífa , nf Definitzione su tapeto chi si ponet in s'artare, in crésia Terminologia iscientìfica prdc Ètimu ctl. catifa Tradutziones Frantzesu tapis d'autel Ingresu altar carpet Ispagnolu sabanilla de altar (catifa) Italianu tappéto dell'altare Tedescu Altardecke.

ciliòni , nm: cilloni 1, cilone, ciloni, tzellone Definitzione pannu téssiu a vergas, genia de ammontu grussu po letu, fintzes tapeto fatu de lana sarda; parte de tapeto prus trebballada Sinònimos e contràrios burra, frassada Frases su mundu est cobertu de unu cilioni niedhu…◊ dhi ant ghetau asuba unu cilloni téssiu a trebaxu Terminologia iscientìfica ts Ètimu itl. Tradutziones Frantzesu couverture, tapis Ingresu carpet Ispagnolu manta gruesa, alfombra Italianu celóne, tappéto Tedescu Teppich.

tapète, tapèto, tapètu , nm: tapeu Definitzione pannu grussu a figuras po ammontu de mesa, istèrrere in pomentu, pònnere is peis Sinònimos e contràrios tapissu Terminologia iscientìfica ts Ètimu itl. Tradutziones Frantzesu tapis Ingresu carpet Ispagnolu alfombra Italianu tappéto Tedescu Teppich.