Ditzionàriu in línia
de sa limba e de sa cultura sarda

bèndha , nf Definitzione cosa chi si pentzat fintzes chentza dh'àere bista, solu po tènnere calecunu indítziu, unu singiale Sinònimos e contràrios ancu, dúbbiu Frases tenzo sa bendha chi cussu dannu l'apat fatu isse ◊ deo no bi cumprendho, ma tenzo sa bendha chi su triballu sou lu fetat male Tradutziones Frantzesu supposition, soupçon Ingresu supposition Ispagnolu sospecha, suposición Italianu supposizióne, sospètto Tedescu Vermutung.

supóstu , nm Definitzione su chi si suponet, si pentzat chi potzat èssere Sinònimos e contràrios ipótesi Frases cunsiderendhe continu ite siat custa boghe, milli supostos inoghe dant resultadu mischinu (G.Raga) Tradutziones Frantzesu supposition Ingresu supposition Ispagnolu suposición Italianu supposizióne Tedescu Vermutung.