Legenda Incurtzaduras | Legenda Sìmbulos

frégua, freguèdha, frégula , nf: frélua, freuledha, frígula Definitzione ispétzia de fianda po usu de minestra: macarrones a farinedhos chi si faent istidhigandho abba a sa símbula e girandho a lébiu sa punta de is pódhighes apitzu, aintru de su tianu: sa símbula essit totu aranedhada, a farinedhos minudos che gràndhine e si faet sicare po durare / a./c. a logos narant freguledha a su frutu de su samucu / f. incasada = cundhida cun bagna e casu ratadu; frégula istufada, istuvada = sucu cotu a budhidu, cundhidu che a sos macarrones, postu in lama cun ozu budhidu betadu subra e postu in su furru fintzas a fàghere sa crosta cun casu ratadu subra puru Sinònimos e contràrios ambu, pistizone, sucu Frases beniat a bidha a portai sa frégua manna de incasai ◊ custu botixedhu est prenu de freguedha ◊ sa frégula si fait de símbula, a pibionedhus Sambenados e Provèrbios smb: Fregula Ètimu itl. frégolo Tradutziones Frantzesu pâtes alimentaires granulées pour soupe Ingresu typical sardinian pasta for soups Ispagnolu pastas sardas para sopas Italianu tipo di pasta sarda per minèstre Tedescu sardische Suppennudeln (Pl.).

maciamúrru , nm: matemurru, matimurru, matzamurru, matzimurru Definitzione genia de supa cun pane o biscotos; pane cotu cun bagna; cosa fata a improdhu, male; matimurru dhu narant fintzes po avolotu, burdellu / fàghere a sa matzimurrina = a coredhu, a improdhu Sinònimos e contràrios martiguserzu, matimbródhiu, milciamuredhu / abbunzadura Frases cussa est genti chi no si acuntentat de papai matzamurru: bolit aligusta! ◊ mammai su civraxu tostau dhu coit a matzamurru 2. e ite ndhe naras de su matemurru chi sunt cumbinandhe sos zòvanos? ◊ custu coju essit unu matimurru! ◊ de totu custu matzamurru iat cumpréndiu ca megàt de si morri de fàmini Ètimu itl. Tradutziones Frantzesu soupe de pain cuit avec de la sauce Ingresu bread cooked with sauce, mess Ispagnolu calandraca, sopa de pan y galletas, barullo Italianu mazzamurro Tedescu eine Brotsuppesorte, Brotbrei mit Tomatensauce, Hudelei, Heidenlärm.

manéstu , nm, nf: menestra, menestu, minestra, minestu Definitzione genia de pasta a granos piticos (a logos fintzes pasta longa) po fàere cun brodu; brodu e chiu, su papare fatu de minestra e de brodu / m. de merca, de casu, de recotu, de patata = fata cun merca, casu e gai Sinònimos e contràrios sucu Frases fiat trista e afligia, ca no teniat farra a fai pani, no teniat lori a fai manestu ◊ Minnia, fai su manestu ca si crocaus, ca seus fadiadas!◊ at papau su menestru cun sa cullera de linna Terminologia iscientìfica mng Ètimu itl. Tradutziones Frantzesu soupe, potage Ingresu soup Ispagnolu sopa Italianu minèstra Tedescu Suppe.

minestròne, minestròni , nm Definitzione papare fatu mescamente cun pisu, chíghere, lentígia o àteros laores deasi, cun erbas, patata, fenugu (areste), àpiu e minestra (sucu, frégula) o fintzes macarrones orrugaos; nau in cobertantza, ammesturitzu, improdhu, cosas betadas apare chentza régula Terminologia iscientìfica mng Ètimu itl. Tradutziones Frantzesu soupe de légumes Ingresu minestrone (vegetable soup) Ispagnolu menestra Italianu minestróne Tedescu Gemüsesuppe, Mischmasch.

súpa , nf: tzupa Definitzione genia de papare fatu cun cosa brodosa (brodu, late, àteru) cun àteru de tostau ammodhigau in mesu / min. supichedha Maneras de nàrrere csn: èssere a s. (nadu de chie at bufadu) = imbriagu pérdiu; bíviri a sa s. allena = campare de su chi li daet àtere; pigai o fai s. de ccn., de ccn. cosa = fàgherendhe atzola, resessire (e sigomente est sempre cun sa nega "no, non", cheret nàrrere su contràriu: nudha) Frases sa parfaruza de su pane de fresa est bella fata a supa 2. no ndi potzu fai supa de cussu piciochedhu! ◊ is dotoris no ndi pigant supa e iscuendi iscuendi si nci andant ◊ de cussu no fait a ndi bogai supa ◊ intendiat un'ispétzia de isciollóriu chi no fadiat a ndi pigai supa Terminologia iscientìfica mng Ètimu itl. suppa Tradutziones Frantzesu soupe Ingresu soup Ispagnolu sopa Italianu zuppa Tedescu Suppe.

«« Torra a chircare