Ditzionàriu in línia
de sa limba e de sa cultura sarda

castangiòla , nf Definitzione genia de erba chi portat sa fògia chi assimbígiat a su trivógiu e faet unu frorighedhu grogo in sa chimighedha (bona a suciare, de sabore aghedu): in s'arraighina longa chi portat faet una genia de castangedhas pitichedhedhas (e po cussu est un'erba chi ndhe prenet su logu e no lassat crèschere àteru) Sinònimos e contràrios allelua, argu 1, binuvorti, coraxedu, pitziabítzia Terminologia iscientìfica rba, Oxalis pes-caprae Ètimu srd. Tradutziones Frantzesu petite oseille Ingresu wood-sorrel Ispagnolu acederilla Italianu acetosèlla Tedescu kleiner Sauerampfer.

cidulèdha , nf Definitzione tenent custu númene duas calidades de erba de sabore agru Sinònimos e contràrios coraxedu 1, erbasalia, marraola, medhaca, meraxa, meriàgula, miriola / alabatu Terminologia iscientìfica rba, Rumex acetosella, Rumex crispus Tradutziones Frantzesu petite oseille Ingresu sorrel Ispagnolu acederilla Italianu acetósa minóre, lapàzio Tedescu kleiner Sauerampfer.

coraxédu , nm Definitzione erba de axedu, genia de erba cun sa fògia chi assimbígiat a su trivógiu e faet unu frorighedhu grogo in sa chimighedha (chi est bona a issuciare, de sabore aghedu): in s'arraighina faet una genia de castangedhas pitichedhedhas (medas, e po cussu est un'erba chi ndhe prenet su logu e no lassat crèschere àteru) Sinònimos e contràrios allelua, argu 1, binuvorti, castangiola, limbassu, ludapassa, mammagheda, pitziabítzia, suciosa Terminologia iscientìfica rba, Oxalis pes-caprae, O. corniculata Ètimu srd. Tradutziones Frantzesu petite oseille Ingresu sorrel Ispagnolu aleluya Italianu acetosèlla Tedescu kleiner Sauerampfer.

lampàtu, lampàtzu , nm: lapatu, lapatzu, lempassu, lempatzu, limpassu, lompatzu Definitzione erba bona po istangiare su sàmbene, limba de cane Sinònimos e contràrios alabatu, cannaurpe, melacra Frases fiat in gherra cun bentu, cun lampatzu e cannisoni (B.Pisanu)◊ su soli de martzu ferit che lampatzu ◊ podiat circai calincunu fundu de lempassu e limporra Terminologia iscientìfica rba, Rumex crispus Ètimu ltn. lapathium + lappaceum Tradutziones Frantzesu oseille crépue Ingresu dock Ispagnolu romaza, lengua de vaca Italianu lapàzio Tedescu Sauerampfer.

melàcra , nf: melagra, melarga, meliagra, meriaga, meriagra, miliacra, miliagra, miliarga, miriagra Definitzione calidades diferentes de erba agheda, a fògia ovada Sinònimos e contràrios alabatu, lampatu / ciduledha, coraxedu 1, erbasalia, malistritza, marraola, medhaca, meraxa, meriàgula, miriola, pabasedha Terminologia iscientìfica rba, Rumex acetosella, Oxalis acetosella Ètimu srd. Tradutziones Frantzesu oseille Ingresu sorrel Ispagnolu acederilla, aleluya Italianu acetósa minóre Tedescu Kleiner Sauerampfer.

suciòsa , nf Definitzione erba de axedu Sinònimos e contràrios allelua, argu 1, binuvorti, coraxedu, limbassu, mammagheda, pitziabítzia Terminologia iscientìfica rba, Oxalis corniculata Ètimu srd. Tradutziones Frantzesu petite oseille Ingresu cuckoo- (sorrel) Ispagnolu aleluya Italianu acetosèlla Tedescu kleiner Sauerampfer.