Ditzionàriu in línia
de sa limba e de sa cultura sarda

medicaméntu , nm: meigamentu Definitzione su chi si faet po agiudare a sanare unu male, prus che àteru in su sensu de pònnere o frigare meighina, badrare o amparare un'arremu malàidu cun calecuna cosa Sinònimos e contràrios cura, medicadura, meiconzu, meigascione Frases ses s'únicu medicamentu de feridas nostras e males ◊ cussa est cosa bona pro meigamentu Tradutziones Frantzesu médicament Ingresu medicament Ispagnolu medicación, cura Italianu medicaménto Tedescu Kur.

medichína , nf: meghina, megina, meichina, meighina, meigina, meixina, mexina, michina, mighina, mixina Definitzione dónnia e calisiògiat rimédiu chi potzat curare o sanare unu male, de su corpus o fintzes de s'ànima, de su cumportamentu; istúdiu, isciéntzia e arte de medicare e curare maladias, males de sa carena Sinònimos e contràrios cura Maneras de nàrrere csn: zenias de meighina: a bufadura, a innetziones, a frigadura, a imbràstiu; no ndi tènniri (de ccn. cosa) mancu po mexina = própiu nudha, mancu cantu s'ungra po unu bisonzu Frases isperaus chi is mexinas mi giuint! ◊ sas meighinas a bortas curant unu male ma ndhe faghent essire un'àteru ◊ apo bisonzu de meghinas e de acunnortu (G.Ruju)◊ est malàidu ma no buscat mighina ◊ no si ndhe agatet una a meighina! ◊ dhi ant ordinau mexina contrària 2. sa bonànima de ajaja mia faiat sa mixina de s'ogu pigau ◊ sa michina de sa deina imbetzes de mi facher bene mi at fatu pejus ◊ bae ca sa meighina at fatu efetu: de candho li ant dadu banzu, furendhe, no bi est torradu prus! ◊ pro sa meighina de s'oju bi cheriat unu pinzos o trastis de sa pessone malàida 3. est in s'universidade istudiendhe in meighinas Ètimu ltn. medicina Tradutziones Frantzesu remède, médicament Ingresu medicine Ispagnolu medicamento, medicina Italianu medicina, fàrmaco Tedescu Arznei, Heilmittel.

meicónzu , nm Definitzione su giare, pònnere o fàere sa meighina po curare calecuna cosa Sinònimos e contràrios ammexinadura, medicadura, medicamentu, meigascione, meighinonzu Ètimu srd. Tradutziones Frantzesu médicament Ingresu medication Ispagnolu medicación Italianu medicaménto Tedescu Behandlung, Kur.