agróniu , nm: agrúmiu, agrúniu Definitzione sa boghe de is pegos de bulu Sinònimos e contràrios múghilu Frases e búmbitus e agrónius e iscràmmius e isciarrocus e súrbius e borrocus e currúghinus e cónius ◊ s'agrúmiu dhu fait su bòi Terminologia iscientìfica bga Ètimu srd. Tradutziones Frantzesu mugissement Ingresu moo Ispagnolu mugido Italianu muggito Tedescu Muhen.

borràda , nf Definitzione su corrighinare, su corrighinu de is boes Sinònimos e contràrios borrochinada, bórrida Terminologia iscientìfica bga Ètimu srd. Tradutziones Frantzesu mugissement Ingresu moo Ispagnolu mugido Italianu muggito Tedescu Muhen.

bórrida , nf Definitzione sa boghe pruschetotu de boes, bacas e vitellos Sinònimos e contràrios borrada, borrógliu, múghilu Frases sos carrales, a caloredhu a fogu, fint sonniendhe bacas rassas e bórridas de bijos ◊ sos traos sunt a bórridas ◊ in sos beranos, candho bigiaiant sas bachitas, sas bórridas poniant sa paura Terminologia iscientìfica bga Ètimu srd. Tradutziones Frantzesu mugissement Ingresu bellow Ispagnolu mugido Italianu mùgghio Tedescu Muhen.

borrighínu , nm: burrighinu Definitzione boghe, tzérriu de pegus de bulu, ma fintzes tzérriu mannu de gente Sinònimos e contràrios borrada, borrógliu, corrighinu, múghilu, muilada Frases passendhe lassaias, furone, burrighinos de fiados semados 2. ndhe at essidu unu bulione a borrighinos dae s'inferru ◊ Antonandria no ti les chimera, ca ti fato betare borrighinu chi si che intendhet in sa miniera! (Còntene)◊ cust'ómine at comintzau a prànghede a borrighinos Ètimu srd. Tradutziones Frantzesu mugissement Ingresu bellowing Ispagnolu mugido Italianu muggito Tedescu Muhen, Gebrüll.

corrínu , nm Definitzione su tzerriare pruschetotu de is boes / prangi a corrinus = a boghes, a órrios, a corriolos; iscapai c. = lassare andhare un'órriu; corrinus de trumbita = sonos (de bandhidore) fatos a trumba Sinònimos e contràrios bórriu, corrinamentu, corrúxinu, múghilu, muilada, órriu, orrúinu Terminologia iscientìfica bga Ètimu srd. Tradutziones Frantzesu mugissement Ingresu moo Ispagnolu mugido Italianu muggito Tedescu Muhen.

corróchinu , nm: corrónchinu, corróghinu Definitzione boghe o tzérriu de animale, de gente, de bentu forte / prànghere a c. = a boghes, a tzérrius Sinònimos e contràrios corrinu, múghilu, órriu / boche, intzérriu, irgargu 2. arguai si sa mama no li colliat una frichinia de ite sisiat, ca ispapatabat su bichinau a corróchinos ◊ istronat in sas rocas de granitu su corróghinu mannu de terrore ◊ candho si est segherau de su chi bi fit sutzessu at cumintzau a corrónchinos ◊ cadhos de abba istant a múghidas e a corrónchinos in notes de pore 3. su bentu est a corróchinos che trabu ispojoladu e a órulos, in precas e in trocos Terminologia iscientìfica bga Ètimu srd. Tradutziones Frantzesu braiment, mugissement, hurlement Ingresu bray, moo, shout Ispagnolu rebuzno, mugido, grito Italianu ràglio, muggito, urlo Tedescu Iahen, Muhen, Schrei.

irrúilu , nm Definitzione corrighinu, sa boghe, su tzérriu de is boes; tzérriu mannu de chèscia, de dolore Sinònimos e contràrios corrinu, múghilu / cérriu, grida Frases sas bacas a irrúilos tucaiant pro allatare sos bigros ◊ dae sos ojitos isperieit una illampizada chi naraiat prus de un'irrúilu! ◊ s'intendhent sos irrúilos de su trau 2. est boghe chi no est piús ne úrulu e ne irrúilu, ma gridu ispaventosu e orrorosu ◊ irrúilos de ira e de arràbbiu disisperadu Terminologia iscientìfica bga Ètimu srd. Tradutziones Frantzesu mugissement Ingresu bellow Ispagnolu mugido Italianu mùgghio Tedescu Muhen.

ischemiàre , vrb Definitzione su muilare o borroinare de is bigos Sinònimos e contràrios borridare Frases ciuat sa tonca, créculat sa rana, ischémiat su biju, grígliat su grígliu Terminologia iscientìfica bga Tradutziones Frantzesu mugissement du veau (jeune) Ingresu calf bellowing Ispagnolu berrido Italianu il muggire del vitellino Tedescu Muhen.

múghilu , nm, nf: múila, múilu, múlia, múliu Definitzione borróinu, sa boghe comente dha faent is boes e is bacas, ma fintzes su zúmiu o súrbiu forte de su bentu Sinònimos e contràrios agróniu, irbéulu, irrúilu, orrúinu / frúschiu, muizu, zúmiu Frases tue no ses ómine ch'iscultat sa múila de su bentu ◊ s'intendhent múilos porosos de fogu ◊ in su múilu de su bentu desoladu s'úrulu de unu cane, fortzis fertu, beniat dae tesu ammesturadu (P.Sulis)◊ su múghilu de su boe ispojoladu Terminologia iscientìfica bga Ètimu srd. Tradutziones Frantzesu mugissement Ingresu bellow Ispagnolu mugido Italianu mùgghio Tedescu Muhen, Brausen, Heulen.

«« Torra a chircare