abbrúncu , nm Definitzione su nàrrere cosa a unu coment’e brigandhodhu; orrugos de linna fine Sinònimos e contràrios abbruncadura, abbrúnchidu, abbrúnciu, agghégiu, bria, certu, inzemu, irbrúnchiu, ispórchidu / chimuza Frases cust'abbruncu l'at sentidu cosas mannas ◊ mancari suta de sa cuguzura, ascultaia s'abbruncu de sos tronos Ètimu srd. Tradutziones Frantzesu mercuriale, semonce Ingresu rebuke Ispagnolu tropiezo Italianu urto, rimbròtto Tedescu Stoß, Verweis.

abbucaméntu , nm Sinònimos e contràrios abbruncadura, abbrúnchidu, abbrúnciu, abbruncu, bria, certu Ètimu srd. Tradutziones Frantzesu mercuriale, semonce Ingresu rebuke Ispagnolu reproche Italianu rimbròtto Tedescu Verweis.

cadòne, cadòni , nm: caroni, codone, codoni, gadoni Definitzione est erba chi faet in istade e cun su sèmene ndhe prenet su logu, pudéscia, chi ponet sabore malu a sa cosa prantada: a una calidade dhi narant erba púdia, pudéscia, cadoni burdu; cun custu númene si narat fintzes su sabore malu chi cust'erba ponet a su binu Sinònimos e contràrios aghedone Frases de bíngia tocat a ndi bogai su caroni ca ponit fragu légiu a su binu ◊ si bidiant solu matas de ortija, codone e caragantzu 2. custu binu at su cadone, su sabore de su cadone Sambenados e Provèrbios smb: Cadone, Cadoni Terminologia iscientìfica rba, Chenopodium album, C. polyspermum, C. vulvaria Ètimu ltn. catone(m) Tradutziones Frantzesu mercuriale Ingresu pigweed Ispagnolu cenizo Italianu farinàccio, èrba puzzolana, mercorèlla Tedescu weißer Gänsefuß, Bingelkraut.

irbrúnchiu , nm: isvrúnciu, ivrúnciu Definitzione cropu de cosa chi si giaet po asseliare a unu e mescamente su chi si dhi narat a briga, in contràriu; cropu, atumbada de malesaura a un'arremu malàidu, o a tretu de sa carena chi dolet Sinònimos e contràrios abbruncadura, abbrunchiada, abbrúnchidu, abbruncu, iscorriada / agghégiu 2. male e peus chi li doliat, cuss'anca, at tentu irbrúnchiu puru Ètimu srd. Tradutziones Frantzesu mercuriale, semonce Ingresu rebuke Ispagnolu reproche Italianu rimbròtto Tedescu Verweis.

ispabarotàda , nf: ispaborotada Definitzione su ispabarotare; boghe, cosa chi si narat brigandho a unu Sinònimos e contràrios apoboretada, atzúrridu, chirella, iscamurriada, isvàpiu, isvrúdhiu, rimbicu Frases làssami sas ispaborotadas: a mie no mi giughes a frunzita! Ètimu srd. Tradutziones Frantzesu mercuriale, semonce Ingresu rebuke, sour Ispagnolu reproche Italianu rimbròtto, rimpròvero aspro Tedescu Verweis, Vorwurf.

ispórchidu, ispórchita, ispórchitu , nm, nf: ispórchiu, ispróchiu Definitzione boghe de iscontróriu, de avertimentu (mescamente po is piciochedhos faendho cosa chi no depent), ma fintzes boghe animalina, tzérriu Sinònimos e contràrios abbruncu, aciociada, isporrónchiu / bérchida, irbóchidu, irgargu, ólchidu, tírriu Frases bètali un'ispórchiu, a su pisedhu, candho faghet cosas chi no andhant bene! ◊ candho truncat sos cànnabos, Sansone, ghetat un'ispórchidu ispantosu (P.Murru) 2. ghetat duos ispórchitos chi fachiat trèmere ◊ ti apo a ghetare una paja de ispórchitas, ma tue no timas! Ètimu srd. Tradutziones Frantzesu mercuriale, semonce Ingresu rebuke Ispagnolu reproche, recriminación Italianu rimbròtto Tedescu Verweis.

«« Torra a chircare