apéntu , nm Definitzione genia de incuru chi si ponet in su fàere calecuna cosa cun atentzione, delicadesa, tempus, e àteru; calecuna cosa chi praghet, bona po s'istentare, giogare o àteru; cosa (o fintzes gente) bella meda, chi praghet meda; cosa a papare, po asseliare su fàmene / min. apentichedhu Sinònimos e contràrios abbentu 1, apíchiu, apinniocu, impreu, intertenimentu, passione / ciogu / ammàchiu, ammiru Frases domat sos cadhos rudes cun apentu ◊ essi galana e pomposa cun cussu pinzos de apentu chi no lu pagat dinari! ◊ si bi ponent cun apentu a fàghere tapetos ◊ si sunt lendhe su malu apentu de fàghere male ◊ pro fàghere unu ditzionàriu bi cheret apentu meda 2. de canna faghent launedhas, apentos, furriolos ◊ pipiriolu de canna, apentu de sos pitzinnos ◊ su tempus passau bido presente, intéssiu de giogos e de apentos (Z.Deriu) 3. sezis un'apentu, isparghides de gràscias unu mare ◊ sas anzones mias fint un'apentu: lis deghiat prata e no ferru! (Limbudu) 4. fràzicos de su fritu e tiritiri, si sunt acoconaos in d-un'alapinna chircandhe apentu Ètimu srd. Tradutziones Frantzesu dévouement Ingresu devotion Ispagnolu dedicación, entrega Italianu dedizióne Tedescu Hingabe.

«« Torra a chircare