canía 1 , nf: canina 1, carina Definitzione una genia de pische (dhi narant fintzes mesu carina) candho at fatu totu s'isvilupu, de calidade bona meda: assimbígiat a s'isparedha, ma faet prus mannu e portat unu coloredhu grogo, de prata, a iscatighedha pitichedha meda; candho est a cria e fintzes candho cumènciat a èssere bona de papare (candho est cantu sa manu) dhi narant prammaritza Frases bucon'e rei, custa carina! ◊ sa cania… cussa est "orata" in italianu e candu est matuca dhi nant cania Terminologia iscientìfica psc, sparus auratus Tradutziones Frantzesu daurade Ingresu gilthead bream Ispagnolu dorada Italianu orata Tedescu Goldbrasse.

prammarítza, prammarítzia , nf Definitzione su fedu minudu o trotischedhu (upm) de sa canina, ma fintzes sa canina manna bona de pòdere papare (cantu una manu) Sinònimos e contràrios cania 1 Frases cussus candu benint a pigai pisci circant sempri prammarítzia 2. sa cania… candu est matuca cantu sa manu dhi naraus prammaritza e candu est prus piticu dhi naraus caniotu Terminologia iscientìfica psc Tradutziones Frantzesu alevin de la daurade Ingresu gilthead bream alevin Ispagnolu alevín de dorada Italianu avannòtto dell'orata Tedescu Fischbrut der Goldbrasse.

«« Torra a chircare