Legenda Incurtzaduras | Legenda Sìmbulos

bústu 1 , nm: butzu 2 Definitzione su mesale, sa parte de sa carena a s'artària de su chintzu a codhos; genia de bestimentu de fémina; trastu téteru de pònnere po aguantare su dossu in firmu po dolores o àteru Sinònimos e contràrios dossile, imbustu Maneras de nàrrere csn: leare su b., su chintu, sas mànigas = pigai is misuras de su bustu, de su sintzu, de is maingas; pessone de b. curtzu = imbudigurtzu Frases in su bustu distingueus: is palas, is codhus, sa schina, su petus o piturras, is fiancus o costazos, sa brenti ◊ cust'ómine at chimbe prammos de bustu ◊ a un'ànima rebbesta l'afritzesit ue sa conca a su bustu s'innestat 2. si at postu su bustu pro li muntènnere prus frimmos sos renes 3. che lu gighet a camasinu e l'isconcat: su tuju a un'ala e su butzu a s'àtera! Terminologia iscientìfica crn Ètimu itl. Tradutziones Frantzesu buste, corset, corset orthopédique Ingresu bust Ispagnolu busto Italianu busto Tedescu Oberleib, Oberkörper, Korsett, Stützkorsett, Gipskorsett.

corítu , nm Definitzione in costúmenes de fémina, genia de corpetedhu chi abbarrat artu, curtzitu, e unu pagu istrintu, in dossu; in àteros est una genia de giacheta de su costúmene de s'ómine; segundhu is bidhas, totu su bestimentu de su costúmene de sa fémina Sinònimos e contràrios cropitu, imbultu Frases pesa a ballare, Muschitedha mia, chi ti apo a ponner coritu e munnedha e mucadores de cada zenia! Terminologia iscientìfica bst, cst Ètimu itl. coretto Tradutziones Frantzesu corset Ingresu corset Ispagnolu corsé Italianu corsétto Tedescu Korsett.

cotíglia , nf: cotzíglia, cutilla Definitzione genia de imbustu a isticas; nau de animale, romasu cadidu de su fàmine, làngiu meda / fai fai c. a unu, fai c., passare c. = lassàrelu chentza manigare, muntènnerelu a fàmine, istare a fàmene, passare fàmene Sinònimos e contràrios marriu, scarritzinu, surgiu 1, scabixau / cdh. cutíglia 3. si ti cójuas cun cussu ndhe as a passare de cutilla, mandrone comente est!… Sambenados e Provèrbios smb: Cottiglia Ètimu ctl., spn. cotilla Tradutziones Frantzesu corset Ingresu corset Ispagnolu cotilla Italianu busto a stécche Tedescu Korsett.

cótili , nm Definitzione trastos de orrobba, orrobba téssia, pannamenta, fintzes istràciu, orrugu de orrobba Sinònimos e contràrios arrobba, traste / istràciu Frases portaiamus peri sa linna pro budhire us cótilis e fàere sa lissia ◊ depo ispàrgere us cótilis Tradutziones Frantzesu drap, pantalon, corset Ingresu cloth, trousers, corset Ispagnolu paño Italianu panno, calzóne, busto Tedescu Tuch, Hose.

«« Torra a chircare