barbaridàde, barbaridàdi , nf: brabaridadi Definitzione
cosa de gente bàrbara, prus che àteru manera de fàere de chie faet male e bochit chentza piedade nudha e ne po nemos
Frases
ite barbaridade sa chi at zutu, a los bochire gai! ◊ sos binchidores, tenta sa vitória, bochint sos fertos cun barbaridade (F.Dore)
Ètimu
spn.
barbaridad
Tradutziones
Frantzesu
barbarie
Ingresu
barbarism
Ispagnolu
barbarie
Italianu
barbàrie
Tedescu
Grausamkeit.
barbarúmene , nm Definitzione
cosas o fatas de bàrbaros, de gente pagu o nudha civile, de sentidu malu
Ètimu
srd.
Tradutziones
Frantzesu
barbarie
Ingresu
barbarity
Ispagnolu
barbarie,
incivilidad
Italianu
inciviltà
Tedescu
Ungezogenheit.
ficumorísca , nf: figamurisca,
figumorisca Definitzione
figu morisca, genia de mata a panes o tàulas o fògias (su truncu o bratzale) ladas e grussas, totu súciu, cun is fògias chi parent agúgias (funt is fògias própriu), fatas a ispina: faet meda fintzes in logu làngiu e de orroca ca aguantat su sicore, bogat unu frutu (upm) cun su corgiolu ispinosu meda, a ispinas minudedhedhas a matuconedhu assentadas a fileras, de sabore druche e cun sèmene meda; una calidade (f. areste) est prus ispinosa de sa maseda in sa tàula e in su frutu e dha ponent meda a fàere cresura / figumorisca de folla = ficumorisca de sagura, o sagurada, sa chi creschet in parte incarnada in mesu de sa tàula, coment'e chi sa tàula siat totu a unu cun sa corza; figumorisca a matza niedha; figumorisca cruàxini = cruonza o birdiggroga
Sinònimos e contràrios
carrúciu 1,
figamoru,
fimorisca,
figutzíndia,
morisca
Frases
gioghendu a cuai nc’est intrau a mesu de unu cràchiri de figumorisca ◊ at fatu una pipia de una fògia de figumorisca
2.
sa genti papat figumorisca ◊ ge fui disigiosu de sa cosa frisca…, sa figumorisca mi at iscramentau!
Terminologia iscientìfica
frt, Opuntia ficus-indica
Tradutziones
Frantzesu
figue de Barbarie
Ingresu
indian fig
Ispagnolu
chumbera
Italianu
fico d'India
Tedescu
echter Feigenkaktus,
Kaktusfeige.
morísca , nf: murisca Definitzione
figumorisca, genia de mata a tàulas (o palas) totu súciu (is prus noàdiles), ladas e grussas (su truncu), longas prus de prammu, cun su corgiolu chi no lassat passare s'abba, cun is fògias chi parent agúgias, a ispina: faet meda fintzes in logu de terra làngia o paga e agguantat su sicore, bogat (mescamente in is oros de sa tàula) unu frutu cun su corgiolu ispinosu meda, a ispinas pitichedhedhas totus impare, a fileras, est de sabore druche e cun sèmene meda; una calidade (m. areste o cràbina) est prus ispinosa in sa tàula e in su frutu (bonu che a sa maseda) e dha ponent meda a fàere cresura / foedhandho de frutu, sèmpere upm.; crestai sa figumorisca = segarecheli su culatzu, chi zughet prus ispina; morisca incarnada in sa tàula = mustaciolu o sagura; morisca essida in mesu de sa tàula = voe taedhare, marighedha
Sinònimos e contràrios
carrúciu 1,
ficumorisca,
fiughíndia
Frases
su rocarzu l'ant prantadu totu a moriscas ◊ sas moriscas sunt fiorindhe ◊ s'astraore at ispérdidu sas moriscas
2.
sa morisca est bona a fàghere saba ◊ bodhi morisca, iscorza e màniga! ◊ a l'ispuligare sa morisca daet cumbata! ◊ sa morisca si leat cun sa punta de duos pódhighes e no a manu prena (e cheret, menzus, iscovitada innanti)
Terminologia iscientìfica
frt, Opuntia ficus-indica
Tradutziones
Frantzesu
figuier d'Inde,
figuier de Barbarie,
figue de Barbarie
Ingresu
prickly pear
Ispagnolu
nopal
Italianu
fico d'India
Tedescu
echter Feigenkaktus.