Ditzionàriu in línia
de sa limba e de sa cultura sarda

apèdha , nf, nm: apedhu Definitzione sa boghe comente dha faet su cane / min. apedhutzu Sinònimos e contràrios apedhaja, apedhamentu, apédhigu, atóchida, bàulu, tzàulu Frases dae sa tanca si pesat atzudu s'apedhu de sos catedhos ◊ a múlios, a surbúschios, a tzàrridos, a órrios, a mílios, a apedhos, a pílios curriant sas béstias a sos frúschios (A.G. Solinas)◊ s'intendhet s'apedhu de sos canes Sambenados e Provèrbios smb: Apeddu, Appeddu Terminologia iscientìfica bga Ètimu srd. Tradutziones Frantzesu aboiement Ingresu bark Ispagnolu ladrido Italianu abbàio Tedescu Bellen.

apedhàda , nf Definitzione su apedhare Sinònimos e contràrios apedhamentu, saulada Frases una cane runzosa totu infelonida mi faghet s'apedhada… Ètimu srd. Tradutziones Frantzesu aboiement Ingresu barking Ispagnolu ladrido Italianu abbaiata Tedescu Gebell.

apédhida, apédhidu , nf, nm Definitzione su apedhare de is canes Sinònimos e contràrios apedha, apédhigu, atocu, bàulu, inciau, tzàulu Frases no si at intesu nudha, ne túdhiu e ne apédhida peruna: sos canes fint che paralizados ◊ dae s'apédhida si cumprendhet si su cane at intesu tzocu de zente o de àteru Terminologia iscientìfica bga Ètimu srd. Tradutziones Frantzesu aboiement Ingresu bark Ispagnolu ladrido Italianu latrato Tedescu Gekeife.

atóchida , nf Definitzione genia de apédhidu de su cane Sinònimos e contràrios atocu Frases su cane at dadu un'atóchida, comente at intesu su silvone ◊ si cumprendhet si su cane at intesu tzocu de zente o de àteru, ca faghet atóchida divèscia Terminologia iscientìfica bga Ètimu srd. Tradutziones Frantzesu aboiement Ingresu barking Ispagnolu ladra, ladrido Italianu abbaìo, canizza Tedescu Bellen.

atócu , nm Definitzione su apedhare de is canes; su chi si narat a boghes, a unu, po dhu fàere mòvere a calecuna cosa / dare o betare s'a. a unu = abboghinare, brigare a unu, betare una boghe donzi tantu Sinònimos e contràrios apédhida, apedhu, atóchida, bàulu, tzàulu / aciocu Frases sos canes chi bidiant a Predu no li betaiant su mínimu atocu ◊ catziendhe, comintzat sa tempesta de canes e canalzos, atocos e isparos ◊ ístabbi fitivu tzochendhe, in gialdinu, e de tantu in tantu dae s'atocu a sos puzones! Ètimu srd. Tradutziones Frantzesu aboiement Ingresu barking Ispagnolu ladridos Italianu abbaìo, canizza Tedescu Bellen.

baulaméntu , nm Definitzione su apedhare sighiu de su cane Sinònimos e contràrios bauladura, tzaulonzu Ètimu srd. Tradutziones Frantzesu aboiement Ingresu barking Ispagnolu ladra Italianu abbaiaménto Tedescu Bellen, Gebell.

bàulu , nm: abbàulu Definitzione sa boghe de su cane Sinònimos e contràrios apédhida, apédhigu, apedhu, atocu, tzàulu Terminologia iscientìfica bga Ètimu srd. Tradutziones Frantzesu aboiement Ingresu barking Ispagnolu ladrido Italianu abbàio, latrato Tedescu Bellen, Gekläff.

giànitu , nm: agiannitu, giannitu, zànita Definitzione su apedhare chi faent is canes candho funt currendho o cracandho sa fera Sinònimos e contràrios baulaxa, giànnida Frases sos canes curriant a giannitos a subra de su pegus mortu ◊ s'intendhet giannitos de canes e calchi isparu Terminologia iscientìfica bga Ètimu srd. Tradutziones Frantzesu aboiement des chiens Ingresu baying Ispagnolu ladra Italianu canizza Tedescu Gekläff.

inciàu , nm: issàulu, intzàulu Definitzione sa boghe de su cane Sinònimos e contràrios apédhida, apedhu, itzàbiu, tzàulu* Frases cani chi inciàuat no mússiat: ispereus chi siant isceti inciaus! ◊ a s'intzàulu de su cani, su messaju si nd'iscudiat de su letu e pigàt s'iscupeta Terminologia iscientìfica bga Tradutziones Frantzesu aboiement Ingresu bark Ispagnolu ladrido Italianu latrato Tedescu Gekeife.