prígnu , agt: príngiu, prinzu Definitzione nau de fémina o de animale, chi portat su fedu in corpus; nau de css. cosa, chi est prena prena, bentruda Sinònimos e contràrios gràidu, impedidu, próssimu | ctr. anzadu Maneras de nàrrere csn: bèniri príngia = bènnere ràida; muru príngiu = a bentre, apunt'a ndhe rúere; prinza a minuju = príngia de pagu; èssere prigna manna = ràida a mannu, apunta a s'illierare (o anzare, nadu de animale) Frases abarrat noi mesis príngia, sa fémina ◊ sos malàdios de idropisia parent prinzos de nobe meses ◊ s'animali príngiu tocat a dhu pigai cun prus delicadesa ◊ est arreada prinza cada vorta chi su maridu si ndh'at iscanzau su cinghedhu 2. anchi dhi calit lampu príngiu chi fatzat milla lampixedhus! Ètimu itl. Tradutziones Frantzesu gravide Ingresu pregnant Ispagnolu preñada, embarazada Italianu prégno Tedescu schwanger, trächtig, voll.

«« Torra a chircare