Ditzionàriu in línia
de sa limba e de sa cultura sarda

còco , nm Definitzione genia de pedra niedha chi apicant a sa cadenita po maia Sinònimos e contràrios pinnadedhu 1, sebeste 2. fit pranghenne chin donzi làcrima che coco, manna goi! Sambenados e Provèrbios smb: Cocco, Coco Ètimu srd. Tradutziones Frantzesu petite bague qu'on porte sur soi, qui préserve du mauvais œil Ingresu jet ring against evil eye Ispagnolu azabache Italianu anellino di giavazzo cóntro il malòcchio Tedescu Gagatring gegen bösen Blick.

còco 1 , nm: còcu 1, cócuru Definitzione cosa tundha, pedra, nodu, cosa chi essit fintzes in sa carre, ou; una genia de druche, a bocighedha tundha pagu prus manna de una nughe, chi candho est cotu si ponet a loba, a duos a duos, fundhu cun fundhu, apicigaos apare cun marmellata / cocu de salia = ispudu chi si ponit in manus po no alliscinai sa mainga de una ferramenta, trabballendi; cócuru de nuxi = su chiu de sa nughe Sinònimos e contràrios códulu, cogodu, crastu / porru Frases su gorropu, chin puntas e chin brocos, chin tzumbos e chin cocos istrazolat sos corzos ◊ custos cocos de granitu in sa costera parent fughitos dae pódhiches a Deus ◊ su pitzinnu fit zocandhe cun cocos tundhos de rivu Sambenados e Provèrbios smb: Coccu Ètimu srd.