bellédhu , agt, nm Definitzione min. de bellu; cosa bella, giogu Sinònimos e contràrios bellighedhu, bellitu / bellei 2. sa domu de su dotori parit un'arecalliari ghetau in mesu de is belledhus! (V.Demuro) Sambenados e Provèrbios smb: Belleddu Tradutziones Frantzesu mignon Ingresu pretty Ispagnolu bonito Italianu bellino Tedescu hübsch.

donósu , agt Definitzione chi tenet donos meda, pruschetotu in bellesa Sinònimos e contràrios déchidu, galanu / cdh. dunosu Frases candho mi as fatu innamorare fist donosa che una fada ◊ sento cantu manna e santa est s'òpera mia úmile e donosa preparendhe a sa vida fatigosa de s'ómine sa débbile pianta (A.Casula)◊ tue in su rampu donosa mustras su tratu galanu ◊ cun su coro ti miresi ca fis dechida e donosa ◊ no pràngiast, maurredhina donosa, po sa malasorti! (E.Spiga) Ètimu spn. Tradutziones Frantzesu séduisant, joli Ingresu pretty Ispagnolu donoso Italianu avvenènte, grazióso Tedescu hübsch.

geniósu , agt: zeniosu Definitzione chi andhat a géniu, chi praghet meda po calecunu bellu donu, bella calidade (su naturale, s'índula)/ èssere geniosu de ccn. = àere géniu pro ccn. Sinònimos e contràrios garbosu, grasciosu, ispàsticu / ttrs. giniosu | ctr. irgeniadu Frases l'isco chi chie at gràscia est geniosu! (Z.Zazzu)◊ cussas cantones sunt tantu geniosas chi no bei at dinaris chi las paghent ◊ s'ómine cricat de iscusare su naturale de sa picioca, ma orróschiu de is modos pagu geniosos de issa dha frastimat issu puru ◊ cussu calavau, mangallu, pagu geniosu… parit un'ispraberi a olleras!◊ sa magioledha fut lúghida coment'e s'isprigu, maseda, geniosa, e dha boliat a cómpuru gente meda 2. como su giòvonu est richiamadu, ma candho torrat, chi tue ndhe ses geniosa, torraus paris po sa paràula Terminologia iscientìfica ntl Ètimu itl. ingegnoso Tradutziones Frantzesu sympathique, gracieux, joli Ingresu nice, pretty Ispagnolu simpático, bonito, gracioso Italianu simpàtico, grazióso Tedescu sympathisch, hübsch, nett, lieblich.

«« Torra a chircare